ढोल व झांज पथकाच्या निनादात उद्घाटन
अहमदनगर (प्रतिनिधी)- महिलांच्या सक्षमीकरणासाठी व अनाथ विद्यार्थ्यांना शिक्षणाच्या प्रवाहात आनण्याच्या उद्देशाने सेवाप्रीत सोशल फाउंडेशनच्या वतीने टिळक रोड येथील नंदनवन लॉनमध्ये उमंग 2023 फेस्ट सिझन टू चे उद्घाटन ज्येष्ठ महिला कवल गुलशनकुमार ओबेरॉय यांच्या हस्ते झाले. यावेळी मुंबई येथील सामाजिक कार्यकर्त्या सिमा गुलाटी, फाऊंडेशनच्या अध्यक्षा जागृती ओबेरॉय, अर्चना खंडेलवाल, डॉ. सिमरन वधवा, गिता नय्यर, प्रकल्प प्रमुख सविता चड्डा, सुशिला मोडक, अनू थापर, रितू वधवा, गितांजली माळवदे, निशा धुप्पड, स्विटी पंजाबी आदी उपस्थित होते.
जामखेड रोड येथील संत गाडगेबाबा आश्रम शाळेच्या विद्यार्थ्यांच्या ढोल व झांज पथकाच्या निनादात हा उद्घाटन सोहळा उत्साहात पार पडला. महिलांनी महिलांसाठी भरविलेल्या उमंग फेस्टला उत्सफुर्त प्रतिसाद लाभत आहे. महिलांना आपल्या व्यवसायाशी निगडीत खाद्य पदार्थ, हस्तकला, विविध साहित्य, वस्त्रांचे स्टॉल लावले आहे.
यावेळी महिलांसाठी विविध सांस्कृतिक, मनोरंजनात्मक कार्यक्रम घेण्यात आले. या फेस्टच्या माध्यमातून जमा झालेले पैसे अनाथ विद्यार्थ्यांना शिक्षणाच्या प्रवाहात आनण्यासाठी खर्च केले जाणार असल्याचे सेवाप्रीतच्या वतीने जाहीर करण्यात आले.
फाऊंडेशनच्या अध्यक्षा जागृती ओबेरॉय म्हणाल्या की, महिलांच्या सक्षमीकरणासाठी व दुर्बल घटकातील विद्यार्थ्यांना शिक्षणाच्या प्रवाहात आणण्यासाठी तसेच दिव्यांग विद्यार्थ्यांना आधार देण्यासाठी महिला एकत्र येऊन सेवाप्रीत सोशल फाउंडेशनच्या माध्यमातून योगदान देत आहे. महिलांना एक व्यासपिठ निर्माण करुन त्यांच्या व्यवसायाला चालना देण्यासाठी सेवाप्रीतने उमंग फेस्टचे आयोजन केले असल्याचे त्यांनी सांगितले.
उमंग फेस्टमध्ये विद्यार्थ्यांसाठी हस्ताक्षर, चित्रकला, गोष्टी सांगणे, टाकाऊ पासून टिकाऊ वस्तू बनविणे, फॅन्सी ड्रेस स्पर्धेचे आयोजनही करण्यात आले आहे. उमंग फेस्ट यशस्वी करण्यासाठी सविता चड्डा, अंचल बिंद्रा, अनू अ‍ॅबट, सोनिया अ‍ॅबट, डॉली भाटिया, अपर्ण बत्रा, छाया खर्डे, उषा ढवण, डॉली मेहेता, शिल्पा गांधी, गिता शर्मा, शितल मालू, कंचन नेहलानी, किट्टी मल्होत्रा, रुपा पंजाबी, मंगला पिडीयार, रिध्दी मेहेता, रिटा सलूजा, संगिता ओबेरॉय, कैलाश मेहेता, अनिता शर्मा, बिना बत्रा परिश्रम घेत आहे.