• Sun. Nov 30th, 2025

सावित्री ज्योती महोत्सव सामाजिक बांधिलकीतून सुरु झालेला उपक्रम -किरण काळे

ByMirror

Oct 13, 2022

सावित्री ज्योती महोत्सवातंर्गत रक्तदान शिबिर

शाहीरांचे पारंपारिक लोककलेचे सादरीकरण

अहमदनगर (प्रतिनिधी)- सावित्री ज्योती महोत्सव सामाजिक बांधिलकीतून सुरु झालेला उपक्रम आहे. महिला बचतगटांना प्रोत्साहन देण्यासाठी सुरु झालेली ही चळवळीला सर्वसामान्यांनी आधार द्यावा. बचत गटाचे उत्पादन ब्रँड म्हणून पुढे येण्याची गरज आहे. बचत गटांचे अनेक उत्पादने दर्जेदार असून, त्याला चांगली बाजारपेठ मिळण्यासाठी हे प्रदर्शन प्रभावी माध्यम ठरणार असल्याचे प्रतिपादन काँग्रेसचे शहर जिल्हाध्यक्ष किरण काळे यांनी केले.


सावेडी येथे सुरु असलेल्या सावित्री ज्योती महोत्सव व बचतगट उत्पादनांच्या प्रदर्शनात आयोजित मोफत आरोग्य तपासणी व रक्तदान शिबीराच्या उद्घाटनाप्रसंगी काळे बोलत होते. कार्यक्रमास प्रमुख पाहुणे म्हणून राष्ट्रीय काँग्रेस सहसमन्वयक मंगलताई भुजबळ, व्याख्यात्या स्वाती सुडके, सामाजिक कार्यकर्ते सचिन गुलदगड, नेत्रदूत जालिंदर बोरुडे, शाहीर कान्हू सुंबे, सावित्री ज्योती महोत्सवाचे मुख्य संयोजक अ‍ॅड. महेश शिंदे, पोपट बनकर आदी उपस्थित होते.


व्याख्यात्या स्वाती सुडके यांनी आपल्य व्याख्यानात फुले दांपत्यामुळे महिला उंबरठा ओलांडून सर्व क्षेत्रात आपले कर्तृत्व गाजवीत आहे. महिलांनी कर्मकांडात न अडकता महात्मा फुले व सावित्रीबाई फुले यांच्या विचाराने आपले भवितव्य घडविण्याचे आवाहन केले.


मंगल भुजबळ यांनी महिला सक्षमीकरणासाठी सावित्री ज्योती महोत्सव क्रांतीचे पाऊल ठरणार आहे. चांगल्या कामाला अनेक अडचणी असतात, सर्व समाज घटकांना एकत्रित करून या उपक्रमाद्वारे दिशा देण्याचे कार्य सुरु असल्याचे त्यांनी सांगितले. सचिन गुलदगड यांनी महात्मा ज्योतिबा फुले व सावित्रीबाई फुले यांच्या महान कार्यांना उजाळा दिला.


या शिबिरात मोफत रक्तगट, हिमोग्लोबिन, मधुमेह, उच्च रक्तदाब, हाडांचे कॅल्शियम व नेत्र तपासणी करण्यात आली. महिलांच्या आरोग्य तपासणीची विशेष व्यवस्था करण्यात आली होती. आयुर्वेद व होमिओपॅथी संबंधित उपचार पध्दतीचा देखील यामध्ये समावेश होता. यावेळी घेण्यात आलेल्या रक्तदान शिबिराला स्वयंसेवी संस्था प्रतिनिधी व नागरिकांचा चांगला प्रतिसाद मिळाला. या शिबीरासाठी स्त्री रोग तज्ञ डॉ. भास्कर रणनवरे, आयुर्वेद तज्ञ डॉ. प्रमोद पालवे, रक्त संक्रमण अधिकारी डॉ. शंकर शेडाळे, पॅथोलॉजिस्ट नंदकर, आयुर्वेद तज्ञ डॉ. धनाजी बनसोडे, निसर्गोपचार तज्ञ संतोष गिर्‍हे, नगरसेवक डॉ. सागर बोरुडे, डॉ. मेहेत्रे, अ‍ॅड. दिलीपराज शिंदे, माया आल्हाट यांचे सहकार्य लाभले.


या कार्यक्रमात शाहीरांचा पारंपारिक लोककला सादरीकरणाचा कार्यक्रम रंगला होता. उपस्थित पाहुण्यांनी बचत गटांच्या विविध स्टॉलला भेटी दिल्या. कार्यक्रमाचे सूत्रसंचालन अनंत द्रविड यांनी केले. आभार मनपा रक्तपेढीचे जनसंपर्क अधिकारी संतोष काळे, कार्यक्रम यशस्वी होण्यासाठी शेखर होले, दिनेश शिंदे, सुदर्शन बनकर, अश्‍विनी वाघ, जयश्री शिंदे, सुमय्या शेख, आरती शिंदे यांनी परिश्रम घेतले.

Leave a Reply

Your email address will not be published. Required fields are marked *