तर स्वच्छतेचे महत्त्व सांगून, अंगणवाडी परिसरात राबविले स्वच्छता अभियान
परिसराची स्वच्छता हे महिलांच्या दैनंदिन जीवनाचा भाग -सविता कोटा
अहमदनगर (प्रतिनिधी)- शहरातील नगर-कल्याण रोड येथील गणेश नगरमध्ये भाजप महिला मोर्चाच्या वतीने स्वच्छता हीच सेवा उपक्रमातंर्गत स्वच्छता अभियान राबवून परिसरातील चार अंगण्ावाडीला स्वच्छतेसाठी लागणारे विविध साहित्य भेट देण्यात आले.
भाजप महिला मोर्चाच्या मध्य मंडळ अध्यक्षा सविता प्रकाश कोटा यांच्या पुढाकाराने घेण्यात आलेल्या या उपक्रमाप्रसंगी महिला मोर्चाच्या माजी जिल्हाध्यक्षा कालिंदीताई केसकर, कार्यकारणी सदस्या लीला अग्रवाल, मध्य मंडळ सदस्या नंदिनी विश्‍वकर्मा आदींसह परिसरातील महिला व अंगणवाडी सेविका, मदतनीस उपस्थित होत्या.
कालिंदी केसकर म्हणाल्या की, भावी पिढीला स्वच्छतेचे महत्व पटवून देणे आवश्‍यक आहे. निरोगी जीवनाचा पाया स्वच्छतेवर अवलंबून आहे. यासाठी प्रत्येकाने स्वच्छतेला महत्व देणे गरजेचे आहे. महिलेचे अंगण स्वच्छ असल्यास त्या घराची किंमत ठरते. त्याप्रमाणे गाव व शहर स्वच्छ असल्यास त्याची किंमत ठरत असते. यासाठी प्रत्येकाने स्वच्छतेसाठी योगदान देण्याचे त्यांनी आवाहन केले.
सविता कोटा म्हणाल्या की, महिला घराबरोबरच परिसर देखील स्वच्छ ठेवत असते. त्यांची स्वच्छता एका दिवसापुरती मर्यादीत नसते, तर ती दैनंदिन जीवनाचा भाग असते. महिलांच्या पुढाकाराने स्वच्छता अभियान यशस्वी होणार आहे. महिलांनी संकल्प केल्यास गाव व शहर स्वच्छ होण्यास वेळ लागणार नाही, असे त्यांनी सांगितले.
नरेश कोटा यांनी केंद्र शासनाच्या सुकन्या समृद्धी योजना व विविध कल्याणकारी योजनांची माहिती दिली. तर स्त्री जन्माच्या स्वागतावर जागृती केली. यावेळी परिसरातील अंगणवाडींना स्वच्छतेचे साहित्य देऊन विद्यार्थ्यांना खाऊचे वाटप करण्यात आले. यावेळी अंगणवाडीच्या मनियार मॅडम, अस्तगावकर, सुनिता चिंतामणी, लता देवगुणे, सुषमा गोळे, मंगल खेतमाळ आदी सेविका व मदतनीस उपस्थित होत्या.