• Sun. Nov 30th, 2025

रिपाईची (गवई) अहमदनगर शहरात शनिवारी राष्ट्रीय कार्यकारणी बैठक

ByMirror

Dec 8, 2022

पक्षाचे नेते राजेंद्र गवई यांच्यासह राष्ट्रीय कार्यकारणीचे पदाधिकारी राहणार उपस्थित

अहमदनगर (प्रतिनिधी)- रिपब्लिकन पार्टी ऑफ इंडिया (गवई) पक्षाची राष्ट्रीय कार्यकारणीची बैठक शनिवारी (दि.10 डिसेंबर) शहरात आयोजित करण्यात आली असल्याची माहिती रिपाईचे शहराध्यक्ष सुशांत म्हस्के यांनी दिली.


रिपाईची राष्ट्रीय कार्यकारिणीची बैठक पक्षाचे राष्ट्रीय नेते राजेंद्र गवई यांच्या अध्यक्षतेखाली होणार असून, या बैठकीला राष्ट्रीय अध्यक्ष तथा माजी आमदार एस. राजेंद्रन व इतर राष्ट्रीय कार्यकारणीचे पदाधिकारी उपस्थित राहणार आहेत.


टिळक रोड येथील हॉटेल राज पॅलेस येथे सकाळी 11 वाजता ही बैठक सुरु होणार आहे. यामध्ये जिल्ह्यातील प्रमुख पदाधिकारी देखील उपस्थित राहणार आहेत. यामध्ये प्रामुख्याने पक्षाच्या ध्येय धोरणावर चर्चा करुन भविष्यातील अजेंडा ठरविला जाणार आहे.

तर पक्षात आलेली मरगळ झटकण्यासाठी पक्षांतर्गत निवडणुकांबाबत देखील चर्चा होणार आहे. विशेषत: येणार्‍या सर्व निवडणुकांच्या पार्श्‍वभूमीवर प्रमुख पदाधिकार्‍यांशी चर्चा केली जाणार आहे.

Leave a Reply

Your email address will not be published. Required fields are marked *