नगरकरांना उपस्थित राहण्याचे आवाहन
कार्यक्रमातून सामाजिक सलोख्याचा व धार्मिक ऐक्याचा दिला जाणार संदेश
अहमदनगर (प्रतिनिधी)- हाजी अजीजभाई चष्मावाला सामाजिक प्रतिष्ठान व मराठी पत्रकार परिषदेच्या वतीने शनिवारी (28 मे) ऐतिहासिक अहमदनगर शहराच्या 532 व्या स्थापना दिनानिमित्त शहराचे संस्थापक अहमद निजामशहा यांच्या बागरोजा येथील कबरीवर चादर अर्पणाचा कार्यक्रम सकाळी 10 वाजता होणार आहे. या कार्यक्रमातून शहरातील सामाजिक सलोख्याचा व धार्मिक ऐक्याचा संदेश दिला जाणार असल्याची माहिती मराठी पत्रकार परिषदेचे नाशिक विभागीय सचिव मन्सूर शेख यांनी दिली.
शहराच्या वैभवशाली इतिहास जाणून घेण्यासाठी व शहर वसविणार्याला राजाची कृतज्ञता व्यक्त करण्यासाठी या कार्यक्रमाचे आयोजन करण्यात आले आहे. शहराचे लोकप्रतिनिधी, सरकारी अधिकारी यांच्या प्रमुख उपस्थितीमध्ये हा कार्यक्रम होणार आहे. दरवर्षी शहराच्या स्थापना दिनानिमित्त हा उपक्रम राबविण्यात येत असतो. या कार्यक्रमात शहराच्या ऐतिहासिक आठवणींना उजाळा दिला जात असून, या कार्यक्रमास इतिहास प्रेमी, नागरिक व पत्रकार बांधवांना उपस्थित राहण्याचे आवाहन करण्यात आले आहे.