जनजागृती रॅली व पथनाट्याद्वारे एड्स टाळण्याचा संदेश
अहमदनगर (प्रतिनिधी)- समाजातील स्थलांतरित कामगारांचे आरोग्य जोपासण्यासाठी कार्य करणार्‍या श्री अमृतवाहिनी ग्रामविकास मंडळ संचलित अमृतदिप प्रकल्पाच्या वतीने जागतिक एड्स दिनानिमित्त एड्स जनजागृती रॅली काढून पथनाट्याद्वारे एड्स टाळण्याचा संदेश देण्यात आला.
अमृतदिप प्रकल्प सन 2013 पासून स्थलांतरित कामगारांच्या प्रश्‍नावर कार्य करत आहे. एचआयव्हीसह जीवन जगणार्‍या लोकांना सकारात्मक ऊर्जा देऊन मदतीचा हात देण्याची गरज आहे. एड्स टाळण्यासाठी लोकांमध्ये जनजागृती आवश्यक आहे. एचआयव्हीग्रस्त लोकांशी भेदभाव थांबवून त्यांना माणुसकीच्या भावनेने समाजात स्थान मिळाल्यास त्यांचे मनोबळ उंचावणार असल्याचे अमृतवाहिनी ग्रामविकास मंडळाचे संस्थापक दिलीप गुंजाळ यांनी सांगितले.
जिल्हा एड्स नियंत्रण अधिकारी शिवाजी जाधव यांनी असुरक्षित लैंगिक संबंध, एचआयव्ही बाधित आईकडून स्तनपान करताना बाळाला, एचआयव्ही संक्रमीत रुग्णाचे रक्त दुसर्‍या रुग्णाला दिल्याने, दुषित रक्त असलेल्या सुई वापरल्याने एचआयव्हीचा संसर्ग होत असल्याचे मार्गदर्शन केले. तर समाजातून एड्स हद्दपार करण्यासाठी तरुणांनी जनजागृती करण्याचे त्यांनी आवाहन केले.
यावेळी सी.एस.आर.डी. समाजकार्य आणि संशोधन संस्थेच्या प्रा. आसावरी झपके, काकासाहेब म्हस्के होमिओपॅथिक मेडिकल कॉलेजच्या प्राचार्या निलिमा भोज, डॉ. विखे पाटील मेडिकल कॉलेज अ‍ॅण्ड हॉस्पिटलचे वैद्यकीय अधीक्षक डॉ. सतीश मोरे, डॉ. विठ्ठलराव विखे पाटील फाऊंडेशन कॉलेज ऑफ नर्सिंगच्या उपप्राचार्य प्रा. डॉ योगिता औताडे, सिंधुताई एकनाथराव विखे पाटील ज्युनियर कॉलेजचे प्रा. कुंभार, डॉ. विठ्ठलराव विखे पाटील औद्योगिक प्रशिक्षण संस्थेचे प्राचार्य अनिल सुर्यवंशी, न्यू आर्टस् कॉमर्स अँण्ड सायन्स कॉलेजच्या प्रा. दिपाली गिरमकर, जिल्हा रुग्णालय येथील वैद्यकीय अधिकारी डॉ. पानसंबळ, एमआयडीसी पोलीस स्टेशनचे पोलीस उपनिरीक्षक लोखंडे, राष्ट्रीय क्षयरोग निर्मूलन कार्यक्रमाचे किरण पंडीत, कामगार कल्याण मंडळाच्या सारिका वैद्य, अमृतदिप प्रकल्पाचे वैद्यकीय अधिकारी डॉ. सुरेश घोलप, अरणगावचे माजी उपसरपंच महेश पवार, संजय तरटे आदी उपस्थित होते.
कार्यक्रमाचे सूत्रसंचालन शुभांगी माने यांनी केले. आभार संस्थेचे प्रशासकीय अधिकारी सिराज शेख यांनी मानले. अहमदनगर शहरातील आणि परिसरातील महाविद्यालयीन 560 विद्यार्थ्यांनी या एड्स जनजागृती उपक्रमात सहभाग नोंदवला. एड्स जनजागृती रॅलीसाठी श्री अमृतवाहिनी ग्रामविकास मंडळ संचलित अमृतदिप प्रकल्पाच्या प्रकल्प व्यवस्थापक शुभांगी माने, समुपदेशक सागर विटकर, लेखाधिकारी श्रीकांत शिरसाठ, क्षेत्रिय अधिकारी मच्छिंद्र दुधवडे, अनिल दुधवडे, प्रसाद माळी, विकास बर्डे, पियर लिडर अविनाश पिंपळे, राहुल साबळे, रविंद्र मधे, मंगेश थोरात यांनी परिश्रम घेतले.
