• Mon. Dec 1st, 2025

ज्येष्ठ एस.टी. सेवानिवृत्त कर्मचारींचा सन्मान

ByMirror

Aug 20, 2023

एस.टी. महामंडळ स्थापनेच्या अमृतमहोत्सवी वर्षानिमित्तचा उपक्रम

अनेक वर्षांनी एकवटले जुने सहकारी मित्र

अहमदनगर (प्रतिनिधी)- एस.टी. महामंडळाची स्थापना होऊन 75 वर्षे होत असताना अमृतमहोत्सवी वर्षानिमित्त पारनेर आगारातील वयाची 75 वर्षे पार केलेल्या ज्येष्ठ एस.टी. सेवानिवृत्त कर्मचारींचा सन्मान करण्यात आला.

या कार्यक्रमानिमित्त अनेक वर्षांनी सहकारी मित्रांची भेट झाल्याने सर्वांच्या चेहऱ्यावर आनंद निर्माण झाला होता. एकमेकांच्या सहवासात अनेक वर्ष घालवलेल्या मित्रांनी जुन्या सुख:दुखाच्या आठवणींना उजाळा मिळाल्याने अनेकांच्या डोळ्यात आनंदाश्रू तरळले.


सेवानिवृत्त कर्मचारींच्या वतीने वयाची 75 वर्ष पूर्ण केलेल्या व त्या पुढील ज्येष्ठ माजी कर्मचाऱ्यांचा सत्कार सोहळा पारनेर आगारात पार पडला. जया परदेशी यांच्या अध्यक्षतेखाली झालेल्या कार्यक्रमाप्रसंगी सत्कार कमिटीचे बलभीम कुबडे, जेष्ठ मार्गदर्शक अय्युब शेख, एम.के. शिंदे, एस.आर. शिंदे, मोहन औटी, एकनाथ औटी, बलभीम कुबडे, माधवराव गाडीलकर, राजेंद जगदाळे, माजी आगार प्रमुख दिपक घाडगे आदी उपस्थित होते.


पारनेर आगारातून निवृत्त झालेले दीडशेपेक्षा जास्त कर्मचारी कार्यक्रमासाठी उपस्थित होते. या मेळाव्यात सेवानिवृत्त कर्मचाऱ्यांच्या प्रश्‍नावर देखील चर्चा करण्यात आली. एस.टीचे ज्येष्ठ सेवानिवृत्त कर्मचारी महाजन, नरवडे, पंढरीनाथ दाते, सखाराम पातारे, शंकर शिरोळे, लक्ष्मण गायकवाड, मोहनराव त्र्यंबके, गणपत पठारे, गिरीधर गाडेकर, नाना शिंदे, डी.एम. पळसकर, नजीर शेख, निबाळकर यांच्यासह 40 सेवानिवृत्त कर्मचाऱ्यांचा सत्कार करण्यात आला.

Leave a Reply

Your email address will not be published. Required fields are marked *