श्री कुंदनलाल तिलकचंद वासन चॅरिटेबल ट्रस्टचे शनिवारी मोफत नेत्र तपासणी व मोतिबिंदू शस्त्रक्रिया शिबिर
महंत भास्करगिरी महाराजांच्या हस्ते माहिती पत्रकाचे अनावरण
अहमदनगर (प्रतिनिधी)- उद्योग, व्यवसाय सचोटीने करताना ईश्‍वरसेवा म्हणून सामाजिक योगदान द्यावे. यामुळे जीवनात सुख, समाधान निर्माण होते. प्रत्येकाच्या जीवनात चढ, उतार असतो, मात्र सेवाभाव हा परमार्थाकडे घेऊन जात असतो. वासन परिवार देखील सामाजिक योगदान देऊन ईश्‍वरसेवा करीत असल्याचे प्रतिपादन महंत भास्करगिरी महाराज यांनी केले.
दृष्टीदोष असलेल्या गरजूंसाठी श्री कुंदनलाल तिलकचंद वासन चॅरिटेबल ट्रस्ट व के.के. आय इन्स्टिट्युट पुणे (बुधराणी हॉस्पिटल) यांच्या वतीने शनिवार दि. 26 नोव्हेंबर रोजी मोफत नेत्र तपासणी व मोतिबिंदू शस्त्रक्रिया शिबिराचे आयोजन करण्यात आले आहे. या शिबीराच्या माहिती पत्रकाचे अनावरण वासन टोयोटा शोरुममध्ये महंत भास्करगिरी महाराज यांच्या हस्ते झाले. यावेळी ते बोलत होते. याप्रसंगी जनक आहुजा, अनिश आहुजा, वासन ग्रुप सर्व्हिसेसचे उपाध्यक्ष हरीश शर्मा आदींसह कर्मचारी मोठ्या संख्येने उपस्थित होते.
पुढे भास्करगिरी महाराज म्हणाले की, फक्त अर्थार्जण हा जीवनाचा उद्देश नसावा, वंचितांचा सेवाभाव समोर ठेऊन मानवधर्माचा स्वीकार करावा. दृष्टीहिनांना दृष्टी देणे हे पुण्याचे काम असून, दरवर्षी घेण्यात येणार्‍या या शिबीराचे त्यांनी कौतुक करुन नागरिकांना शिबीराचा लाभ घेण्याचे आवाहन केले.
वासन उद्योग समूहाचे चेअरमन विजयजी वासन यांच्या वाढदिवसानिमित्त गरजूंसाठी या शिबिराचे आयोजन करण्यात आले आहे. शिबिराचे उद्घाटन केडगाव एमआयडीसी येथील वासन टोयोटा शोरुम येथे आमदार अरुणकाका जगताप व आमदार संग्राम जगताप यांच्या हस्ते होणार आहे. सकाळी 10 ते सायंकाळी 4 वाजेपर्यंत रुग्णांची तपासणी तज्ञ डॉक्टर मंडळी करणार आहेत. तर मोतीबिंदू असलेल्या रुग्णांना तपासणीनंतर शस्त्रक्रियेसाठी पुणे येथील बुधराणी हॉस्पिटल येथे पाठविण्यात येणार आहे. नगर ते पुणे जाण्याचा प्रवास व शस्त्रक्रियेचा खर्च मोफत राहणार आहे. बिन टाक्याचे ऑपरेशन केले जाणार असून, रुग्णांसाठी राहणे व जेवणाची व्यवस्था करण्यात आली आहे. शिबीरार्थींना नंबरचे चष्मे देखील कार्यक्रम स्थळी मोफत उपलब्ध करुन देण्यात येणार आहे.
या शिबीरात जास्तीत जास्त गरजूंनी लाभ घेण्याचे आवाहन वासन टोयोटा परिवाराच्या वतीने करण्यात आले आहे. शिबिरार्थींना येताना रेशन कार्ड, मतदान ओळखपत्र व आधारकार्डची झेरॉक्स आणने आवश्यक आहे. नांव नोंदणीसाठी संपूर्ण शहरात विविध ठिकाणी सेंटर ठेवण्यात आले असल्याचे यांचा
संपर्क पुढीलप्रमाणे:- नेत्रदूत जालिंदर बोरुडे- 9881810333, केडगाव- वासन टोयोटा (0241- 2351234), टॉप ऑप पेट्रोल पंम्प- आसिफ (9860607861), तारकपूर- जयकुमार रंगलानी (9850166777), सावेडी- राहुल बजाज (9890671671), गुलमोहर रोड- डॉ. सुरेंद्र खन्ना (9011071154), कापड बजार- अर्जुन मदान (9422908441), भिंगार- दामोदर माखिजा (9860815800), पोखर्डी- जीत मोटर्स (8080529600), आनंदधाम- अमरजीतसिंह वधवा (9209361313), मार्केटयार्ड- कैलास नवलानी (9028174716), रामचंद्र खुंट- डॉ. वधवाज क्लिनिक (9422081761), एमआयडीसी व घर घर लंगर सेवा तारकपूर- हरजितसिंह वधवा (9423162727).