• Sun. Nov 30th, 2025

स्वच्छ भारत अभियानातंर्गत निमगाव वाघात स्वच्छता अभियान

ByMirror

Oct 7, 2022

स्वच्छ व निरोगी भारत घडविण्याचा संदेश

निरोगी भारत घडविण्यासाठी स्वच्छता आवश्यक -पै. नाना डोंगरे

अहमदनगर (प्रतिनिधी)- निमगाव वाघा (ता. नगर) गावात नेहरु युवा केंद्र, स्व.पै. किसनराव डोंगरे बहुद्देशीय संस्था, श्री नवनाथ युवा मंडळ व धर्मवीर ग्रामीण सार्वजनिक वाचनालयाच्या वतीने स्वच्छ भारत अभियानातंर्गत स्वच्छता अभियान राबविण्यात आले. या अभियानाच्या माध्यमातून स्वच्छ व निरोगी भारत घडविण्याचा संदेश देण्यात आला.


गावातील नवनाथ मंदिर, सभा मंडप व परिसरात स्वच्छता करण्यात आली. या अभियानात डोंगरे संस्थेचे अध्यक्ष तथा ग्रामपंचायत सदस्य पै. नाना डोंगरे, डॉ. विजय जाधव, नामदेव फलके, दिगंबर जाधव, आप्पा जाधव, बाबूभाई शेख, माजी सरपंच साहेबराव बोडखे, जनाबाई रोहोकले, रवी गायकवाड, पंढरीनाथ कदम, बाबा खळदकर, सुहास फलके, रोहिदास गायकवाड, युवा मंडळाचे अध्यक्ष संदिप डोंगरे, राजू फलके, प्रतिभा डोंगरे, वाचनालयाच्या उपाध्यक्षा प्रियंका डोंगरे-ठाणगे आदी सहभागी झाले होते.


पै. नाना डोंगरे म्हणाले की, परिसर स्वच्छ असल्यास रोगराई न पसरता नागरिकांचे आरोग्य निरोगी राहणार आहे. निरोगी भारत घडविण्यासाठी स्वच्छता आवश्यक असून, याची सुरुवात स्वत:पासून होणे गरजेचे आहे. घराप्रमाणे आपला परिसर स्वच्छ ठेवल्यास स्वच्छ भारताचे स्पप्न साकार होणार असल्याची भावना त्यांनी व्यक्त केली. या जयंती कार्यक्रमासाठी नेहरु युवा केंद्राचे उपनिदेशक शिवाजी खरात, रमेश गाडगे यांचे मार्गदर्शन लाभले.


Leave a Reply

Your email address will not be published. Required fields are marked *