महिला दिनानिमित्त एकता फाऊंडेशनचा उपक्रम
समाज घडविण्यापासून ते संस्कार रुजविण्यापर्यंत महिलांचे कार्य -अतुल फलके
नगर (प्रतिनिधी)- निमगाव वाघा (ता. नगर) येथे एकता फाऊंडेशनच्या वतीने गाव आणि कुटुंब कारभारीण महिलांचा सन्मान करण्यात आला. महिला दिनानिमित्त हा सन्मान सोहळा पार पडला.
या कार्यक्रमाप्रसंगी फाऊंडेशनचे संस्थापक अध्यक्ष तथा सोसायटीचे संचालक अतुल फलके, ग्रामपंचायत अधिकारी गोवर्धन राठोड, उपसरपंच किरण जाधव, दीपक जाधव, नवनाथ फलके, संदीप गायकवाड, प्रकाश गायकवाड, विजय गायकवाड, छोटू शेख, हुसेन शेख, पोपट फलके, बाबा शिंदे, प्रकाश फलके, मच्छिंद्र काळे आदींसह ग्रामस्थ उपस्थित होते.
यावेळी महिला सरपंच लता फलके आणि पंतप्रधान आवास योजनेत घरकुल मंजुर झालेल्या महिला लाभार्थी भिमाबाई डोंगरे, शितल इधाटे, लता फलके, जिजाबाई जाधव, रईसा पठाण, अर्चना काळे, कविता काळे, भारती गायकवाड, बाई जाधव यांचा सत्कार करण्यात आला.
अतुल फलके म्हणाले की, समाजाच्या सर्वांगीन प्रगतीसाठी महिलांचे योगदान महत्त्वाचे ठरत आहे. गावाच्या आणि कुटुंबाच्या विकासासाठी महिला वर्ग योगदान देऊन, समाज घडविण्यापासून ते संस्कार रुजविण्यापर्यंत महिला कार्य करत आहे. अनेक क्षेत्रात महिला यशोशिखरावर आहेत. प्रत्येक पुरुषाच्या यशामागे एक महिला असते. चुल आणि मूलच्या पलीकडे जावून वेगवेगळ्या क्षेत्रात महिलांनी आपले कर्तृत्व सिद्ध केले असल्याचे त्यांनी सांगितले. सरपंच लता फलके यांनी गावात महिलांचा सन्मान केल्याबद्दल फाऊंडेशनच्या उपक्रमाचे कौतुक करुन ग्रामपंचायतच्या वतीने आभार मानले.