अहमदनगर (प्रतिनिधी)- अहमदनगर जिल्हा मध्यवर्ती बँक येथील कर्मचारी सहकारी सोसायटीच्या संचालकपदी बिनविरोध निवड झाल्याबद्दल शैलेश बोधले यांचा हरदिन मॉर्निंग ग्रुपच्या वतीने सत्कार करण्यात आला. भगवान गौतम बुद्ध जॉगींग पार्क येथे झालेल्या कार्यक्रमात ग्रुपचे संस्थापक अध्यक्ष संजय सपकाळ यांनी बोधले यांचा सत्कार केला.
यावेळी रमेश वराडे, मेजर दिलीप ठोकळ, दीपक बडदे, सर्वेश सपकाळ, डॉ. राहुल हजारे, संतोष होने, दिलीप गुगळे, नामदेवराव जावळे, अभिजीत सपकाळ, मनोहर दरवडे, विकास भिंगारदिवे, सरदारसिंग परदेशी, विठ्ठल राहींज, संतोष हजारे, सिताराम परदेशी, राजू कांबळे, मुन्ना वाघस्कर, एकनाथ जगताप, कुमार धतुरे, केशवराव दवणे, सिद्धू तात्या बेरड, आनंदा जायभाय, किशोर भगवाने, योगेश चौधरी आदी उपस्थित होते.
संजय सपकाळ म्हणाले की, हरदिन मॉर्निंग ग्रुपच्या वतीने वर्षभर आरोग्य चळवळीसह वृक्षरोपण व संवर्धन मोहिम राबविली जाते. तसेच ग्रुप मधील सदस्यांनी मिळवलेल्या यशाबद्दल त्यांचा सन्मान करुन त्यांना प्रोत्साहन दिले जात आहे. ग्रुपचे सर्वच सदस्य विविध क्षेत्रात आपले नावलौकिक मिळवत आहे. शैलेश बोधले हे ग्रुपचे सदस्य असून, त्यांची संचालकपदी झालेली नियुक्ती ग्रुपच्या दृष्टीने अभिमानास्पद असल्याचे त्यांनी सांगितले. सत्काराला उत्तर देताना शैलेश बोधले यांनी हरदिन मॉर्निंग ग्रुप हे कुटुंब बनले असून, कुटुंबाकडून झालेला सन्मान कामाला ऊर्जा देणारा असल्याचे त्यांनी सांगितले.