भन्ते ज्ञानज्योती महाथेरो यांनी सांगितला शौर्यवीरांचा इतिहास
धम्मरथाचे पूजन व उपासक-उपासिकांना धम्म दिक्षा
अहमदनगर (प्रतिनिधी)- बौध्द धर्माचे धर्मगुरु भन्ते ज्ञानज्योती महाथेरो यांच्या मार्गदर्शनाखाली सुरु असलेल्या चंद्रपूर ते भिमा कोरेगाव पद यात्रेचे शहरात तथागत बुध्दिस्ट सोसायटीच्या वतीने उत्साहात स्वागत करण्यात आले. या यात्रेच्या माध्यमातून बौध्द धर्माचा प्रसार व शौर्यवीरांचा इतिहास सांगितला जात आहे.
भन्ते ज्ञानज्योती महाथेरो यांनी टिळकरोड येथील डॉ. बाबासाहेब आंबेडकर स्मारक येथे समाजबांधवांशी संवाद साधून ज्वाजल्य इतिहास सर्वांपुढे उभा केला. तर बौध्द धर्माची शिकवण, विचार, आचार कृतीत उतरविण्याचे त्यांनी आवाहन केले. तर भिमा कोरेगावला 200 वर्षाचा इतिहास होऊन गेला आहे. हा लढा अन्यायाविरोधात बंड होता. आजही 1 जानेवारीला लाखो अनुयायी शूरवीरांना अभिवादन करण्यासाठी जातात. डॉ. बाबासाहेब आंबेडकर हे देखील भिमा कोरेगावला शौर्यवीराना अभिवादन करण्यासाठी गेले असल्याची त्यांनी माहिती दिली.
या कार्यक्रमात बौध्द धर्म गुरुंच्या उपस्थितीमध्ये उपासक-उपासिका यांना धम्म दिक्षा देण्यात आली. धम्मरथासाठी सतिष साहेबराव खैरे यांनी 407 टेम्पो भेट दिला. त्याचे पूजन भन्ते महाथेरो यांच्या हस्ते करण्यात आले. या धम्मरथाच्या माध्यमातून जिल्हाभर धम्माचा प्रचार-प्रसार करण्यात येणार आहे. यावेळी भन्ते सचितबोधी, भन्ते कश्प, भन्ते प्रज्ञाशिल, तथागत बुध्दिस्ट सोसायटीचे अध्यक्ष संजय कांबळे, सत्येंद्र तेलतुंबडे, दिपक अमृत, रोहित आव्हाड, अण्णा गायकवाड, मिंलिद आंग्रे, शिवाजी भोसले, विशाल कांबळे आदी उपस्थित होते.
संजय कांबळे यांनी तथागत बुध्दिस्ट सोसायटीच्या माध्यमातून विविध सामाजिक उपक्रम राबवून शेवटच्या घटकापर्यंत धम्माचा प्रचार केला जात आहे. डॉ. बाबासाहेब आंबेडकर यांच्या विचाराने संघटनेचे कार्य सुरु आहे. सामाजिक व धार्मिक कार्याची सांगड घालून समाज परिवर्तनासाठी दिशा दिली जात असल्याचे त्यांनी सांगितले.
या कार्यक्रमात वधू-वर मंडळाच्या सुचक प्रमुखपदी अशोक बागुल, सचिवपदी विष्णू ठोंबे, धम्मरथाच्या समन्वयकपदी शांताराम बनसोडे यांची निवड करण्यात आली. तर धम्मरथासाठी आर्थिक सहकार्य करण्याचे आवाहन करण्यात आले. दिपक लोंढे, राम गायकवाड, प्रविण साळवे, संतोष गायकवाड, दिपक गायकवाड, एकनाथ भिंगारदिवे, दिपक पाटोळे, सोन्याबापू सुर्यवंशी, शाम वाघचौरे, सुरेश शिंदे, उज्वला गायकवाड, इंदु कोरे, ज्योती शिंदे, पद्मा कांबळे, संध्या आरुण, प्रियंका कांबळे, सविता भिंगारदिवे आदी उपासक उपासिका मोठ्या संख्येने उपस्थित होते.
