हरदिन मॉर्निंग ग्रुपचा पर्यावरण संवर्धनाचा उपक्रम
निसर्गाला शरण जाण्याची वेळ -संजय सपकाळ
अहमदनगर (प्रतिनिधी)- सामाजिक कार्यासह आरोग्य व पर्यावरण संवर्धनाची चळवळ चालविणार्या हरदिन मॉर्निंग ग्रुपच्या वतीने ख्रिसमस ट्रीच्या वृक्षरोपणाने नाताळ साजरा करण्यात आला. भिंगार मधील भगवान गौतम बुध्द जॉगिंग पार्कमध्ये ख्रिसमस ट्री लावण्यात आल्या.
प्रारंभी हरदिनच्या सदस्यांनी योग-प्राणायाम व हास्य योगाने दिवसाची सुरुवात केली. अविनाश काळे व सदाशिव नागापूरे यांच्या हस्ते वृक्षरोपण करुन पर्यावरण संवर्धनाचा संदेश देण्यात आला. यावेळी ग्रुपचे संस्थापक अध्यक्ष संजय सपकाळ, मेजर दिलीप ठोकळ, दिपक बडदे, सर्वेश सपकाळ, अविनाश जाधव, संतोष हजारे, अभिजीत सपकाळ, अशोक पराते, नामदेव जावळे, दिलीप गुगळे, रामनाथ गर्जे, दिलीप बोंदर्डे, विश्वास वाघस्कर, दिपक घोडके, विलास तोतरे, विकास निमसे, राजू कांबळे, किरण फुलारी, सुर्यकांत कटोरे, केशव दवणे, जालिंदर अळकुटे, संतोष होणे, राजू पांढरे, सुधाकर चिदंबर, दिनेश शहापूरकर, संतोष लुणिया, जालिंदर बेरड, संतोष शिंदे, विशाल भामरे, रावसाहेब कराळे, सचिन कस्तुरे, कुमार धतुरे, सिध्दू बेरड, भासाहेब गुंजाळ, विठ्ठल राहिंज, दिनकर धाडगे, संतोष शेलूकर आदी उपस्थित होते.
संजय सपकाळ म्हणाले की, पर्यावरणाचे प्रश्न गंभीर बनत असताना, निसर्गाला शरण जाण्याची वेळ आली आहे. निसर्गाने मनुष्याला भरभरून दिले मात्र मनुष्याने स्वत:च्या हितासाठी निसर्गाची मोठी हानी केली. पुढील पिढीच्या भवितव्यासाठी आपल्या मुलाप्रमाणे झाडे लावून ती वाढवण्याची गरज आहे. पर्यावरणाच्या प्रश्नामुळे सजीवृष्टीचे अस्तित्व धोक्यात आले असून, भविष्यातील धोके टाळण्यासाठी वृक्षरोपण व संवर्धन हा एकमेव पर्याय असल्याचे त्यांनी सांगितले.
तसेच श्री शुक्लेश्वर महादेव मंदिर ट्रस्टच्या वतीने घेण्यात आलेल्या रक्तदान शिबिरात हरदिन मॉर्निंग ग्रुपच्या सदस्यांनी उत्स्फुर्तपणे रक्तदान केले.
