लायन्स क्लब अहमदनगर व लिओ क्लबचा उपक्रम
वंचितांची दिवाळी गोड करण्यासाठी आर्थिक व विविध वस्तू स्वरुपात मदत करण्याचे आवाहन
अहमदनगर (प्रतिनिधी)- लायन्स क्लब अहमदनगर व लिओ क्लबच्या वतीने वंचितांच्या दिवाळीसाठी 29 ऑक्टोबर रोजी स्नेहालयात दीपोत्सव 2022 साजरा केला जाणार आहे. या दीपोत्सवासाठी मराठी सिनेमा सृष्टीतील कलाकार उपस्थित राहणार आहेत. या मेळाव्यात लिओ क्लब ऑफ अहमदनगर देखील सहभागी होणार आहे. वंचितांच्या चेहर्‍यावर हास्य फुलवून त्यांची दिवाळी गोड करणार्‍या या कार्यक्रमास आर्थिक व विविध वस्तू स्वरुपात मदत करण्याचे आवाहन करण्यात आले आहे.
या मेळाव्यास हातभार लावून वंचित घटकांच्या दीपोत्सव मेळाव्यात सहभागी होण्याचे आवाहन लायन्सच्या अध्यक्षा डॉ. सिमरनकौर वधवा, हरमनकौर वधवा, सचिव प्रणिता किरण भंडारी, अनाया बोरा, खजिनदार प्रिया मुनोत, प्रीशा बजाज, प्रकल्प प्रमुख नितीन मुनोत, धनंजय भंडारे, अरविंद पारगावकर, दिशा तलवार, स्नेहालयाचे संचालक हनिफ शेख, कार्यक्रम समन्वयक महेश सुर्यवंशी यांनी केले आहे.
सालाबादप्रमाणे मागील तेरा वर्षांपासून लायन्स क्लबचे सदस्य पुढाकार घेऊन स्नेहालय या संस्थेतील व शहरातील वंचित, अनाथ, अपंग, निराधार मुला-मुलींसमवेत दिवाळी साजरी करतात. सेवाभावी नागरिकांच्या सहकार्याने लायन सभासद व बाल कल्याण समितीच्या सहकार्याने हा उपक्रम राबविण्यात येतो. या मेळाव्यात मुलींकरिता मेहंदी, मुलांकरिता टॅटू, घोडागाडी राईड, जम्पिंग पॅड, मेरी गो राऊंड असे विविध खेळ तर पॉपकॉर्न, बुढ्ढी के बाल व मिष्टान्न भोजनाचा समावेश आहे. विविध प्रकारचे कार्टून या मेळाव्यात मुलांचे मनोरंजन करणार आहे. मुलांना धमाल करण्यासाठी डी.जे. व झुंबा डान्सचा देखील यामध्ये समावेश आहे.
कार्यक्रमाचे मुख्य आकर्षण म्हणजे संस्थेच्या परिसरात दिवे प्रज्वलित करुन, परिसर उजळविण्यात येणार आहे. कार्यक्रमा दरम्यान मुलांना चॉकलेटस्, लकी-ड्रॉ व इतर खाऊंचे वाटप करण्यात येणार आहे. आकाशात उडणार्‍या उडन तस्तरी हे बालगोपाळांसाठी आकर्षण ठरणार आहे व दुपारी 3 ते रात्री 8 वाजेपर्यंत सदर कार्यक्रमाचे आयोजन करण्यात आलेले आहे. या कार्यक्रमास प्रांतपाल राजेश कोठावडे, रिजन चेअरमन सुनील साठे, डॉ. एस.एस. दीपक, शरद मुनोत, मोहनशेठ मानधना, झोन चेअरमन आनंद बोरा आदी प्रमुख पाहुणे म्हणून उपस्थित राहणार आहेत. समारोपीय कार्यक्रम विद्यार्थ्यांना मिष्ठान्न भोजन, फराळ वाटपने होणार आहे. मुलांसाठी किल्ला बनवा, भेट कार्ड बनवा व निबंध स्पर्धेचे आयोजन करण्यात आले आहे.
वंचितांच्या दीपोत्सवसाठी तब्बल पाच लाख रुपयांचा खर्च असून, त्यात शक्य झाल्यास मुलांना नवीन कपडे देखील देण्याचा मानस आहे. आपली दिवाळी आनंदी साजरी करत असताना, वंचितांची दिवाळी देखील गोड करण्याचा हा उपक्रम आहे. या वर्षी तब्बल एक हजार मुलांच्या उपस्थितीमध्ये दीपोत्सव साजरा होणार आहे. वंचित व दुर्बल घटकातील मुलांचा आनंद द्विगुणीत करण्यासाठी दीपोत्सवला हातभार लावण्याचे आवाहन करण्यात आले आहे. या मेळाव्यासाठी वस्तूरुपाने व आर्थिक मदत लायन्स क्लब ऑफ अहमदनगरच्या नावाने स्विकारली जाणार आहे. कार्यक्रम यशस्वी होण्यासाठी हरजितसिंह वधवा, प्रशांत मुनोत, विपुल शहा, दिलीप कुलकर्णी, राजवीरसिंह संधू, अभय मेस्त्री, विजय कुलकर्णी, डॉ. अमित बडवे, डॉ. संजय असणानी, सुधीर लांडगे, सुनील छाजेड, कमलेश भंडारी, सुमित लोढा, प्रीती शाह, किरण भंडारी आदींसह लायन्स व लिओ सदस्य परिश्रम घेत आहे. अधिक माहितीसाठी डॉ. सिमरनकौर वधवा 9422081761, प्रणिता भंडारी 9834579858, प्रिया मुनोत 9422229699, नितीन मुनोत 9823769064 यांना संपर्क साधण्याचे सांगण्यात आले आहे.