भिंगार राष्ट्रवादीच्या वतीने खा. शरद पवार यांच्या वाढदिवसानिमित्त सामाजिक उपक्रम
महापुरुषांच्या विचाराने खा. शरद पवार यांचे कार्य -आ. संग्राम जगताप
अहमदनगर (प्रतिनिधी)- वंचित व गरजू घटकातील विद्यार्थ्यांचे पालन-पोषण करणार्‍या नालेगाव येथील निरीक्षण व बालसुधारगृह मधील विद्यार्थ्यांना थंडीनिमित्त भिंगार राष्ट्रवादीच्या वतीने ब्लँकेटचे वाटप करण्यात आले. पक्षाचे राष्ट्रीय अध्यक्ष तथा माजी केंद्रीय कृषी मंत्री खा. शरद पवार यांच्या वाढदिवसानिमित्त हा सामाजिक उपक्रम राबविण्यात आला.
भिंगार राष्ट्रवादीच्या वतीने दरवर्षी गरजू घटकांना थंडीनिमित्त ब्लँकेटचे वाटप केले जाते. या उपक्रमाचे हे 35 वे वर्ष होते. आमदार संग्राम जगताप व राष्ट्रवादीचे ज्येष्ठ नेते दादाभाऊ कळमकर यांच्या हस्ते विद्यार्थ्यांना ब्लँकेटचे वाटप करण्यात आले. यावेळी राष्ट्रवादीचे शहर जिल्हाध्यक्ष प्रा. माणिक विधाते, युवकचे शहर जिल्हाध्यक्ष इंजि. केतन क्षीरसागर, मनपा स्थायी समितीचे माजी सभापती अविनाश घुले, व्यापार व उद्योग सेलचे अनंत गारदे, सेवा दलचे जिल्हाध्यक्ष विनोद साळवे, सुमित कुलकर्णी, कुमार नवले, गणेश बोरुडे, संतोष ढाकणे, निलेश हिंगे, अभिजीत सपकाळ, सर्वेश सपकाळ, नाथाजी राऊत, रमेशराव वराडे, सुभाष होडगे, दिपक बडदे, संतोष हजारे, लक्ष्मणराव कापसे, मच्छिंद्र बेरड, शिवम भंडारी, संपत बेरड, अविनाश काळे, अरुण चव्हाण, माजिद शेख, सागर चवंडके, विजय नामदे, नवनाथ मोरे आदी उपस्थित होते.
प्रास्ताविकात संजय सपकाळ म्हणाले की, राष्ट्रवादीच्या माध्यमातून गरजू विद्यार्थ्यांना नेहमीच शैक्षणिक मदत देण्याचे उपक्रम सुरू असतात. तर वंचित घटकांना मदतीचा हात देऊन त्यांचे प्रश्‍न सोडविण्याचे सातत्याने कार्य सुरु आहे. भिंगार मधील नागरिकांचे प्रश्‍न आमदार संग्राम जगताप यांच्यामाध्यमातून सोडविण्यात आले असून, प्रलंबीत प्रश्‍नाबाबत पाठपुरावा सुरु आहे. दरवर्षी पक्षाचे राष्ट्रीय अध्यक्ष खा. शरद पवार यांचा वाढदिवस सामाजिक उपक्रमाने साजरा केला जात असल्याचे त्यांनी स्पष्ट केले. पाहुण्यांचे स्वागत निरीक्षण व बालसुधारगृह संस्थेच्या मानद सचिव फातिमा शेख व प्रभारी अधीक्षक दुर्गा सादुल यांनी केले.
आमदार संग्राम जगताप म्हणाले की, विविध क्षेत्र व पक्षातील व्यक्ती ना. शरद पवार यांच्याशी जोडली गेलेली आहे. त्यांचे प्रभावी विचार व कार्याने त्यांनी सर्वांना आपलेसे केले. राजकीय मतभेद न ठेवता त्यांना मानणारा मोठा वर्ग आहे. महाराष्ट्राच्या राजकारणात राहून त्यांनी देशाला एक दिशा दिली. महापुरुषांचे विचार अंगीकारुन त्या विचाराने त्यांचे कार्य सुरु आहे. महाराष्ट्रावर आलेल्या अनेक संकटाप्रसंगी ते भक्कमपणे उभे राहिले. राज्यबाहेर देखील त्यांचा वाढदिवस मोठ्या उत्साहात साजरा केला जात असल्याचे त्यांनी सांगितले.
दादाभाऊ कळमकर म्हणाले की, निरीक्षण व बालसुधारगृहाचे रुप बदलले आहे. उत्तमपणे विद्यार्थ्यांचे संगोपन करुन विद्यार्थी घडविले जात आहे. विविध सुविधा निर्माण करुन व्यवस्थापन उत्तमपणे कार्य करत असल्याचे त्यांनी स्पष्ट केले. तर खर्‍या गरजूंना केलेली मदत सार्थकी लागत असल्याचे त्यांनी सांगून, ग्राहक भांडारच्या माध्यमातून विद्यार्थ्यांना लवकरच मच्छरदाणी देण्याचा उपक्रम राबविण्यात येणार असल्याचे जाहीर केले. तर खा. शरद पवार यांच्या वाढदिवसानिमित्त राबविण्यात आलेल्या उपक्रमाचे कौतुक केले.
