दंत रोगावर अद्यावत तंत्रज्ञानाने केले जाणार उपचार
अहमदनगर (प्रतिनिधी)- चेहर्‍याचे व जबड्याचे सर्जन व कृतीमदंतरोपण तज्ञ डॉ. संजय आसनानी व डॉ. मानसी आसनानी यांच्या तारकपूर येथील साई केअर डेंटल अ‍ॅण्ड इम्लांट क्लिनिक तथा मुखकर्करोग पुनर्वसन केंद्राचे उद्घाटन खासदार डॉ. सुजय विखे व आमदार संग्राम जगताप यांच्या हस्ते झाले.
डॉ. एस.एस. दीपक यांच्या अध्यक्षतेखाली झालेल्या या कार्यक्रमाप्रसंगी डॉ. अमित बडवे, ज्योती दीपक, अजिंक्य बोरकर, योगीराज गाडे, भैय्या गंधे, विक्रम राठोड, महेश मध्यान, जनक आहुजा, प्रितपालसिंह धुप्पड, दामोदर बठेजा, प्रशांत मुनोत, मनोज आसनानी, बन्सीलाल आसनानी, हरजितसिंह वधवा, गौतम बोरा, जस्मीतसिंह वधवा, प्राचार्या गीता तांबे, जय रंगलानी, किशोर रंगलानी, किशन पंजवानी, आश्‍विनी गोलांडे आदी उपस्थित होते.
प्रास्ताविकात डॉ. संजय आसनानी म्हणाले की, या इम्लांट क्लिनिक मध्ये सर्व प्रकारचे दंत रोगांवर उपचार, मुखकर्करोग शस्त्रक्रियेनंतर चेहर्‍याचे व जबड्याचे दंत रोपणाद्वारे पुनर्वसन, चेहर्‍याचे स्नायू व जबड्याच्या खुब्याच्या आजारावर तसेच चेहर्‍याच्या स्नायूंच्या दुखण्यावर डिजिटल व लेझरद्वारे उपचार केले जाणार आहेत. सर्व प्रकारचे आधुनिक दंतरोपण करणारे जिल्ह्यातील पहिले डिजिटल तथा कॅड कॅम डेंटल इम्प्लांट क्लिनिक ठरले आहे. या अद्यावत तंत्रज्ञानाद्वारे दंत रोगावर असलेली वेळखाऊ उपाचर पध्दती अत्यंत जलद होणार असल्याचे त्यांनी सांगितले.
खासदार डॉ. सुजय विखे म्हणाले की, शहराचा विस्तार झपाट्याने होत असताना, नागरिकांना अद्यावत वैद्यकीय सेवेची देखील गरज भासत आहे. मोठ्या शहरात न जाता साई केअर डेंटल अ‍ॅण्ड इम्लांट क्लिनिक मध्ये सर्व मौखिक आरोग्याच्या सुविधा मिळणार असल्याचे त्यांनी सांगितले.
आमदार संग्राम जगताप यांनी नागरिकांच्या सेवेसाठी सुरु झालेल्या या क्लिनिकच्या माध्यमातून आंतरराष्ट्रीय दर्जाची दंत विकाराची सेवा शहरात मिळणार आहे. एकाच छताखाली दंतरोगाच्या सर्व उपचार उपलब्ध झाल्याने रुग्णांना इतर ठिकाणी जाण्याची गरज भासणार नसल्याचे सांगितले. डॉ. एस.एस. दीपक म्हणाले की, नगर शहर बदलत असताना वैद्यकीय क्षेत्रात देखील अमुलाग्र बदलत होत आहे. डॉ. आसनानी यांनी अद्यावत सोयी-सुविधांचे कॅड कॅम डेंटल इम्प्लांट क्लिनिक शहरात उभे करुन दाखविले आहे. या अद्यावत तंत्रज्ञानाचा सर्वांना लाभ होणार असल्याचे स्पष्ट करुन क्लिनिकचे त्यांनी कौतुक केले. कार्यक्रमाचे सूत्रसंचालन आर.जे. प्रसन्ना यांनी केले. आभार हरजितसिंह वधवा यांनी मानले.