महिला सखींनी एकत्रितपणे लुटला देवदर्शनाचा आनंद
अहमदनगर (प्रतिनिधी)- केडगाव येथील महिला भाविकांना खासदार डॉ. सुजय विखे पाटील यांच्या वतीने माजी महापौर संदीप कोतकर यांच्या मार्गदर्शनाखाली श्री क्षेत्र शिर्डी व शनि शिंगणापूर दर्शन घडविण्यात आले. गुरुवारी (दि.24 ऑगस्ट) रोजीच्या देव दर्शन यात्रेला महिलांचा उत्स्फूर्त प्रतिसाद लाभला.
शाहू नगर बस स्टॉप येथून महिला भाविकांसाठी बसची मोफत व्यवस्था करण्यात आली होती. या निशुल्क दर्शन सोहळ्याचे प्रारंभ उद्योजक सचिन आबा कोतकर यांच्या हस्ते नारळ वाढवून करण्यात आले. यावेळी माजी नगरसेवक सुनील (मामा) कोतकर, उद्योजक जालिंदर कोतकर, सुनील कोतकर, महेंद्र कांबळे, जयद्रथ खाकाळ, भुषण गुंड, अशोक कराळे, सोनू घेंबूड, गोरख गुंड, पोपट कराळे, महेश गुंड, राजू कोतकर, रमेश कोतकर, विजय कोतकर, सुधीर गुजर, गुलाब काकडे, राहुल जाधव, महेश दळवी, अमोल शिंदे, भाऊ तापकीरे, अनिल भोर, अर्जुन पाटोळे, रोनीत कोतकर, शुभम कोतकर, यश मुरूमकर, समर्थ कारंडे, अजिंक्य कोतकर, ओम भगत, दिपक ठोंबरे, संकेत दिघे, श्रावण ठुबे, निशांत काकडे, सचिन काकडे, वैभव जाधव आदींसह महिला भाविक मोठ्या संख्येने उपस्थित होत्या.
खासदार डॉ. सुजय विखे पाटील यांच्या संकल्पनेतून महिला भाविकांना मोफत श्री क्षेत्र शिर्डी व शनि शिंगणापूर दर्शन घडविण्याचा उपक्रम सुरु आहे. केडगावच्या विविध भागातून महिलांना या यात्रेसाठी पाठविण्यात येत आहे. नुकतेच शाहू नगर येथून महिलांना या यात्रेसाठी पाठविण्यात आले. या उपक्रमाच्या माध्यमातून शिर्डी व शनि शिंगणापूर येथे उत्तमप्रकारे दर्शन घडले. त्याचबरोबर महिलांना नाष्टा, जेवणची देखील उत्तम प्रकारे व्यवस्था करण्यात आली होती.
माजी नगरसेवक सुनील (मामा) कोतकर म्हणाले की, श्री क्षेत्र शिर्डी व शनि शिंगणापूर दर्शनासाठी केडगावच्या महिलांचा उत्स्फूर्त प्रतिसाद मिळत आहे. सर्व सोयीयुक्त अशी मोफत दर्शन यात्रा नागरिकांमध्ये चर्चेचा विषय ठरला असल्याचे त्यांनी सांगितले.
माजी नगरसेविका सुनिता कांबळे यांनी महिला वर्गाला एकत्रितपणे जाण्याची मिळालेली संधी ही अभूतपूर्व आहे. महिलांवर कुटुंबाची जबाबदारी असल्याने त्यांना आपल्या मैत्रीणींसह घराबाहेर पडता येत नाही. मात्र या सहलीतून मैत्रिणीबरोबर देवदर्शनाचा आनंद लुटता आला असून, हा उपक्रम सातत्याने राबविण्याची अपेक्षा त्यांनी व्यक्त केली.