भिंगारमध्ये 21 वर्षापासून अविरत रक्तदानाचा उपक्रम; शिबिरात 132 रक्तदात्यांचे रक्त संकलन
अहमदनगर (प्रतिनिधी)- स्वामी विवेकानंद जनकल्याण प्रबोधिनी ट्रस्टच्या वतीने भिंगार मध्ये दरवर्षीप्रमाणे 22 वे रक्तदान शिबिर घेण्यात आले. या शिबिरात युवक-युवतींसह नागरिक उत्स्फूर्तपणे सहभागी झाले होते. दिवसभर चाललेल्या या शिबिरामध्ये 132 रक्तदात्यांनी रक्तदान केले. तर आज पर्यंत झालेल्या 22 शिबिरातून तब्बल 2 हजार 693 इतक्या रक्तदात्यांचे रक्त संकलन करण्यात आले आहे.
भिंगार मधील देशमुख सांस्कृतिक सभागृहात जनकल्याण रक्तपेढी यांच्या सहकार्याने रक्तदान शिबिर घेण्यात आले. स्वामी विवेकानंद व भारत मातेच्या प्रतिमा पूजनाने शिबिराचे उद्घाटन झाले. यावेळी संस्थेचे अध्यक्ष प्रमोद मुळे, संचालक कार्याध्यक्ष शिवप्रसाद काळे, उपाध्यक्ष रुपेश भंडारी, सचिव राम घुले, सहसचिव विजया देशमुख, खजिनदार रितेश फिरोदिया, शिबिर संयोजक संचालक रमेश वराडे, श्रीपाद मुंगी, शशीकला शेंडे, रवींद्र जाजू, गणेश तोतरे, सुनील तरवडे, गोरक्ष वामन, संगीता देऊळगावकर, स्वाती देशपांडे आदी उपस्थित होते.
राष्ट्रीय स्वयंसेवक संघाचे महाराष्ट्र प्रांत संघचालक नानासाहेब जाधव यांनी शिबिरास भेट देऊन 22 वर्षापासून ट्रस्टच्या माध्यमातून सुरु असलेल्या रक्तदान शिबिर व सामाजिक कार्याचे कौतुक केले. संस्थेचे अध्यक्ष प्रमोद मुळे म्हणाले की, मागील 27 वर्षापासून स्वामी विवेकानंद जनकल्याण प्रबोधिनीची सामाजिक चळवळ सुरु आहे. माणुसकीच्या भावनेने व गरजू रुग्णांना जीवदान मिळण्यासाठी 2001 सालापासून संस्था रक्तदान शिबिर राबवित असते. त्याचबरोबर संस्थेच्या माध्यमातून वर्षभर सामाजिक उपक्रम सातत्याने सुरु असल्याची माहिती त्यांनी दिली.
या शिबिराला भाजपचे भैय्या गंधे, हरदिन मॉर्निंग ग्रुपचे संजय सपकाळ, संजय शिंदे, किशोर भिंगारकर, संजय शिंदे, लोकेश मेहतानी, शुभांगी साठे, वसंत राठोड, महेश नामदे, किशोर कटोरे, मयूर जोशी, संजय चोपडा, ग्रामपंचायत सदस्य महेश झोडगे, रवींद्र लालबोंद्रे, शोभाताई भंडारी, सुनील लालबोंद्रे, विष्णू घुले, अप्पा लोहार केमिस्ट असोसिएशनचे पदाधिकारी, माजी क्रीडा अधिकारी रवींद्र कवडे आदींसह राजकीय, सामाजिक क्षेत्रातील व्यक्तींनी भेट देऊन उपक्रमाचे कौतुक केले.
या शिबिरात रक्तदात्यांचा सत्कार करण्यात आला. तर सर्वाधिक विक्रमी संख्येने रक्तदान करणारे श्री भागवत, श्रीकांत वराडे यांचा विशेष सन्मान करण्यात आला. रक्तदान शिबिर यशस्वी करण्यासाठी जनकल्याण रक्तपेढीचे डॉ. गुलशन गुप्ता, डॉ. झेंडे, डॉ. मढीकर, व्यवस्थापक मुकेश साठे, संपर्क अधिकारी सागर उंडे, सौ. खांडरे ताई आदींसह सर्व तंत्रज्ञ कर्मचारी, देशमुख हॉलचे डॉ. विलास देशमुख, सुदर्शन कुंटे यांचे सहकार्य लाभले. तर शोभाताई भंडारी व भंडारी परिवाराने या शिबिरास आर्थिक मदत दिली.