दारुच्या नशेत वडिलांना मारहाणीसाठी धावलेल्या त्या सरपंचाची भावजयीस काठीने मारहाण
अहमदनगर (प्रतिनिधी)- निबोंडी (ता. नगर) दारु पिऊन वडिलांच्या अंगावर मारहाण करण्यासाठी धावलेल्या मुलास आई व भावजईने अडवून मारहाण का करत असल्याचा जाब विचारल्याचा राग येऊन सदर मुलाने आईला शिवीगाळ करुन भावजयीस काठीने मारहाण केली.
याप्रकरणी जखमी महिलेच्या फिर्यादीवरुन शंकर बाबासाहेब बेरड (रा. निंबोडी) यांच्यावर भिंगार कॅम्प पोलीस स्टेशनला गुन्हा दाखल करण्यात आला आहे. शंकर हा गावातील विद्यमान सरपंच असल्याने गावाच्या राजकीय वर्तुळात चांगलीच चर्चा रंगली आहे.
सदरील सोमवारी 5 डिसेंबर रोजी संध्याकाळी निंबोडी येथील प्राथमिक शाळेजवळ घडली. सरपंच असलेला शंकर बेरड हा दारुच्या नशेत वडील बाबासाहेब बेरड यांना मारण्यासाठी धावला होता. शंकर याची भावजय व आई यांनी त्याला अडवून तुम्ही का मारहाण करतात अशी विचारणा केली. याचा राग आल्याने त्याने भावजयीला काठीने मारहाण केली.
या मारहाणीत भावजयी ही जखमी झाली आहे. जखमी भावजयीच्या फिर्यादीवरुन शंकर बेरड याच्या विरुध्द 6 डिसेंबर रोजी भारतीय दंड विधान कायदा कलम 324, 323, 504, 506 प्रमाणे गुन्ह्याची नोंद करण्यात आली आहे. या प्रकरणाचा अधिक तपास पोलिस हवालदार आर.के. दहिफळे करीत आहे.
