स्वामी विवेकानंद जनकल्याण प्रबोधिनीच्या रक्तदान शिबीरात उत्स्फुर्त सहभाग
रक्तदाता हा एखाद्याचा जीवदाता ठरतो -संजय सपकाळ
अहमदनगर (प्रतिनिधी)- भिंगार येथील स्वामी विवेकानंद जनकल्याण प्रबोधिनी ट्रस्टच्या वतीने राबविण्यात आलेल्या रक्तदान शिबीरात हरदिन मॉर्निंग ग्रुपच्या सदस्यांनी उत्स्फुर्तपणे रक्तदान केले. तब्बल बावीस वर्ष सामाजिक योगदान देऊन वृक्षरोपण व संवर्धनाची मोहिम राबवून आरोग्य चळवळीत योगदान देणारे ग्रुपचे सदस्य रक्तदान मोहिमेत देखील पुढाकार घेत असतात.
या रक्तदान शिबीराप्रसंगी स्वामी विवेकानंद प्रबोधिनी ट्रस्टचे संस्थापक अध्यक्ष प्रमोद मुळे, शोभाताई भंडारी, रुपेश भंडारी, रविंद्र जाजू, गणेश तोतरे, हरदिन मॉर्निंग ग्रुपचे संस्थापक अध्यक्ष संजय सपकाळ, सर्वेश सपकाळ, मेजर दिलीप ठोकळ, दीपक बडदे, सुभाष गोंधळे, अभिजीत सपकाळ, सुधाकर चिदंबर, अजय खंडागळे, विकास निमसे, गोरक्षनाथ वामन, जनकल्याण रक्तपेढीचे डॉ. विलास मढीकर, डॉ. गुप्ता, किशोर यादव आदी उपस्थित होते.
संजय सपकाळ म्हणाले की, रुग्णांच्या आयुष्यासाठी रक्त ही जीवनावश्यक बाब बनली आहे. लॉकडाऊनच्या काळात रक्ताचा तुटवडा भरुन काढण्यासाठी हरदिनचा प्रत्येक सदस्याने घराबाहेर पडून रक्तदान केले. थैलीसीमीया, डायलिसिस आणि कर्करोगाच्या रुग्णांना रक्ताची नितांत आवश्यकता भासत असते. तर एखादी दुर्घटना व अपघातामधील रुग्णांना तातडीने रक्ताची आवश्यकता भासते. अशा वेळेस रक्तदाता हा एखाद्याचा जीवदाता ठरत असतो. माणुसकीच्या भावनेने प्रत्येकाने रक्तदान करण्याचे त्यांनी आवाहन केले.
प्रमोद मुळे यांनी रक्ताचा तुटवडा भरुन काढण्यासाठी प्रत्येकाने स्वयंफुर्तीने रक्तदान पुढे आले पाहिजे. रक्त हे कृत्रिम पध्दतीने तयार करता येत नसल्याने मनुष्याला रक्तासाठी मनुष्यावरच अवलंबून रहावे लागते. दरवर्षी ट्रस्टच्या वतीने राबविण्यात येणार्या रक्तदान शिबीरात हरदिन मॉर्निंग ग्रुपचे सदस्य आवर्जून रक्तदान करत असल्याचे त्यांनी कौतुक केले.
या शिबीरातील हरदिन मॉर्निंग ग्रुपचे सदस्य असलेले रक्तदाते रमेश वराडे, सुनीता वराडे, धनंजय नामदे, सुनिता नामदे, अशोक पराते, दिलीप गुगळे, दीपक धाडगे, विश्वास वाघस्कर, मेजर विनोद खोत, बापूसाहेब तांबे, गणेश शिंदे, मिलिंद क्षीरसागर, अब्बासभाई शेख, आशुतोष गलांडे, संदीप सोनवणे, विलास तोतरे, शिरीष देशपांडे देवा यांचा विशेष सत्कार करण्यात आला.