मनगाव प्रकल्पास वॉटर फिल्टर, शालेय साहित्य व अन्न-धान्याची भेट
मनोरंजनात्मक खेळ व नृत्याने मुलांच्या चेहर्यावर फुलले हसू
अहमदनगर (प्रतिनिधी)- मनगाव प्रकल्पात भान हरवलेल्या, मनोरुग्ण निराधार महिलांच्या बालकांसह सेवाप्रीत सोशल फाऊंडेशनच्या महिला सदस्यांनी बालदिन साजरा केला. मुलांचे आरोग्य उत्तम राहण्यासाठी फाऊंडेशनच्या वतीने मनगाव प्रकल्पास वॉटर फिल्टर, शालेय साहित्य व अन्न-धान्याची भेट देण्यात आली. तर महिला सदस्यांनी येथील मुलांसह विविध मनोरंजनात्मक खेळ व नृत्यासह बालदिनाचा आनंद लुटला. या कार्यक्रमाने मुलांच्या चेहर्यावर हसू फुलले.
या कार्यक्रमास सेवाप्रीतच्या संस्थापक अध्यक्षा जागृती ओबेरॉय, प्रकल्प प्रमुख गीता नय्यर, अर्चना खंडेलवाल, निशा धुप्पड, नितिका गुप्ता, सोनाली ग्रोवर, सविता धुप्पड, इशा जग्गी, प्रेरणा वधवा, निशा नारंग, दिव्या खोसला, टिना इंगळे, रितू अरोरा, निकिता पंजाबी, स्विटी बलदोटा, श्रध्दा मल्होत्रा, जसप्रीत आहुजा आदी उपस्थित होते.
मनगाव प्रकल्पाची माहिती मोनिका मॅडम व महेश सर यांनी दिली. डॉ. सुचिता धामणे यांनी सेवाप्रीतच्या महिलांशी संवाद साधून माणुसकीच्या भावनेने सुरु असलेले सेवा कार्य व वंचित विद्यार्थ्यांसाठी सेवाप्रीत देत असलेल्या योगदानाबद्दल त्यांनी कौतुक केले. महिलांनी या बालकांना आपल्या मुलांप्रमाणे जवळ घेऊन त्यांच्याशी गप्पा-गोष्टी केल्या.
जागृती ओबेरॉय म्हणाल्या की, जीवनात यशस्वी होण्यासाठी शॉर्टकट नसते. यश मिळविण्यासाठी जिद्द, चिकाटी व परिश्रमाशिवाय पर्याय नाही. चांगल्या मित्रांची संगत चांगल्या कार्याकडे घेऊन जात असते. यासाठी मैत्री चांगल्या व्यक्तीशी ठेवण्याचे त्यांनी सांगितले. तर सर्व घटकातील लहान मुले देशाचा भविष्य आहे. सुजान पिढी घडविण्यासाठी लहान मुलांवर संस्कार व त्यांचे आरोग्य जपण्याची गरज असल्याचे त्यांनी स्पष्ट केले.
सेवाप्रीतच्या महिला सदस्यांनी मुलांना स्कूल व टिफिन बॅग, खाऊ व फळांचे वाटप केले. उपासना भल्ला यांनी मुलांचे नृत्य घेतले. दिव्या खोसला-पोखर्णा यांनी विविध मनोरंजनात्मक खेळ घेऊन विद्यार्थ्यांचा आनंद द्विगुणीत केला. तर निशा नारंग यांनी लहान बालकांसह छायचित्रे काढली. या कार्यक्रमासाठी संगिता मेघानी, शैलजा लड्डा, सत्या वधवा, निशा अरोरा, विनिता तलवार, पूनम कुमार, साक्षी चुग, सुमिता वाही, सलोनी आहुजा, भावना नय्यर, रक्षिता आहुजा, अंजली मांडे, राजेंद्र जग्गी, तृप्ती सराफ, भारती दिवानी, शितल वाघ, दर्शना गुगळे, रविना आहुजा, माधुरी सारडा, सपना नय्यर, दीप नय्यर, स्मिता अग्रवाल आदींनी सहकार्य केले.