शहर राष्ट्रवादीच्या वतीने गरजू विद्यार्थ्यांना शैक्षणिक साहित्याचे वाटप
पक्षाचे राष्ट्रीय नेते खा. शरद पवार यांचा वाढदिवसाचा सामाजिक उपक्रम
अहमदनगर (प्रतिनिधी)- समाजकारण हा राष्ट्रवादी पक्षाचा पाया आहे. सर्वसामान्य नागरिक, गरजू घटक व शेतकर्‍यांना केंद्रबिंदू मानून राष्ट्रवादीचे कार्य सुरु आहे. बहुजन समाजाला बरोबर घेऊन, महापुरुषांच्या विचारधारेने पक्षाचे राष्ट्रीय नेते ना. शरद पवार यांचे कार्य सुरु असल्याचे प्रतिपादन आमदार संग्राम जगताप यांनी केले.
शहर राष्ट्रवादीच्या वतीने पक्षाचे राष्ट्रीय नेते तथा माजी केंद्रीय कृषी मंत्री खा. शरद पवार यांचा वाढदिवस सामाजिक उपक्रमाने साजरा करण्यात आला. गरजू विद्यार्थ्यांना शैक्षणिक साहित्याचे वाटप करण्यात आले. यावेळी आमदार जगताप बोलत होते.
यावेळी शहर जिल्हाध्यक्ष प्रा. माणिक विधाते, स्थायी समितीचे माजी सभापती अविनाश घुले, माजी प्राचार्य खासेराव शितोळे, प्रा. भगवान काटे, अर्बन सेलचे प्रा. अरविंद शिंदे, व्यापार व उद्योग सेलचे अनंत गारदे, युवकचे शहर जिल्हाध्यक्ष इंजि. केतन क्षीरसागर, राष्ट्रवादी महिला शहर जिल्हाध्यक्षा रेश्मा आठरे, ओबीसी सेलचे अमित खामकर, अल्पसंख्यांक विभागाचे साहेबान जहागीरदार, विद्यार्थी सेलचे वैभव ढाकणे, भिंगार राष्ट्रवादीचे शहराध्यक्ष संजय सपकाळ, विधानसभा अध्यक्ष सुमित कुलकर्णी, सावेडी अध्यक्ष धिरज उकिर्डे, मुख्याध्यापक शिवाजी म्हस्के, शिवम भंडारी, साधना बोरुडे, गणेश बोरुडे, मारुती पवार, संतोष ढाकणे, संभाजी पवार, उमेश धोंडे, विशाल बेलपवार, अभिजीत सपकाळ, मनिष फुलडहाळे आदींसह राष्ट्रवादीचे पदाधिकारी व कार्यकर्ते उपस्थित होते.
पुढे जगताप म्हणाले की, देशाच्या राजकारणात त्यांचे विचार, अनुभव दिशा देणारे असून, त्यांनी देशाच्या विकासात्मक वाटचालीत दिलेले योगदान मोठे असल्याचे सांगितले.
प्रा. माणिक विधाते म्हणाले की, राष्ट्रवादी पक्षाच्या माध्यमातून शरद पवार यांच्या विचाराने राजकारणापेक्षा समाजकारणाला महत्त्व देऊन कार्य सुरु आहे. राजकारणातील आदर्श व धोरणी नेतृत्व महाराष्ट्राला शरद पवार यांच्या रुपाने लाभले. उतार वयातही ते समाजासाठी तरुणतडफदार नेत्याप्रमाणे कार्य करत आहे. त्यांचे विचार व कार्य प्रत्येक कार्यकर्त्यासाठी स्फुर्ती देणारे असल्याचे त्यांनी सांगितले.
