दळवी परिवाराचा सामाजिक उपक्रम
अहमदनगर (प्रतिनिधी)- शालेय शिक्षिका स्व. लिलाबाई बाबुराव दळवी-क्षीरसागर यांच्या शिक्षण क्षेत्रातील योगदानाची जाणीव ठेऊन त्यांच्या प्रथम पुण्यस्मरण दिनानिमित्त त्यांनी सेवा केलेल्या वांबोरी (ता. राहुरी) येथील महेश मुनोत माध्यमिक व उच्च माध्यमिक विद्यालयाच्या गरजू घटकातील विद्यार्थिनीचे इयत्ता दहावीसाठी एक वर्षाचे संपूर्ण पालकत्व स्विकारण्यात आले.
स्व. लिलाबाई दळवी-क्षीरसागर हयात असताना सन 2011 पासून जिल्हा परिषद प्राथमिक शाळा मलठण व न्यू इंग्लिश स्कूल मलठण (ता. कर्जत) येथील इयत्ता आठवी ते दहावीतील प्रथम येणार्‍या विद्यार्थ्यांना रोख बक्षिसं तसेच महेश मुनोत विद्यालयातील इयत्ता दहावीमध्ये हिंदी व इंग्रजी विषयात प्रथम येणार्‍या विद्यार्थ्यांना बक्षिस देण्याचे कार्य अविरत सुरु आहे. त्यांच्या निधनानंतर गुणवंतांच्या बक्षिसाबरोबर गरजू मुलीचे इयत्ता दहावीसाठीचे शैक्षणिक पालकत्व स्विकारण्याचा पायंडा देखील दळवी परिवाराने सुरु केला आहे.
त्यांच्या प्रथम पुण्यस्मरण दिनाचा कार्यक्रम पाईपलाईन रोड येथील मधुरंजनी सभागृहात पार पडला. यावेळी या सामाजिक उपक्रमाची घोषणा करण्यात आली. ह.भ.प. नाना शिंगोटे महाराज यांनी आपल्या प्रवचनात जीवनामध्ये आईचे व शिक्षणाचे महत्त्व विशद केले. स्व. लिलाबाई दळवी-क्षीरसागर यांनी 38 वर्षे महेश मुनोत विद्यालयात विद्या दानाचे कार्य केले. त्यांनी शाळेत कार्यरत असताना नेहमीच गरजू विद्यार्थ्यांना आधार देण्याचे कार्य केले. हाच वारसा त्यांचे कुटुंबीय त्यांच्या स्मरणार्थ पुढे चालविण्याचा संकल्प केला आहे.
पाहुण्यांचे स्वागत जिल्हा बँकेचे माजी टीडीओ बाबूराव दळवी यांनी केले. या कार्यक्रमासाठी जिल्हा परिषदेचे माजी सभापती अ‍ॅड. सुभाषराव पाटील, विशाल दळवी, माजी विक्री कर अधिकारी अशोक शेजूळ, स्वाती विशाल दळवी, शितल संतोष थोरात, शलाका अच्युतराव राऊत, विनिता गणेश शेजुळ, महादेव दळवी, अलका दळवी, वसंत दळवी, स्मिता दळवी, वांबोरीचे माजी सरपंच एकनाथ ढवळे, रोहिणी कुसमुडे, योगशिक्षिका अचला झंवर, माजी मुख्याध्यापक अभिमन्यू चव्हाण, नंदकुमार शेजूळ, बाबूराव ठोकळ, मुख्याध्यापिका नितिशा तावरे, भाऊसाहेब केंद्रे, बारा बलुतेदार महासंघाचे अध्यक्ष ज्ञानेश्‍वर (माऊली) गायकवाड, शहराध्यक्ष अनिल इवळे, नाभिक महासंघाचे अध्यक्ष बाळासाहेब भुजबळ, पुणे जिल्हा बारा बलुतेदार महासंघाचे अध्यक्ष सोमनाथ शेळके, भगवानराव खोसे, जिल्हा बँकेचे माजी जनरल मॅनेजर अ‍ॅड. बाळासाहेब भोसले, माजी व्यवस्थापक शिवाजी साबळे, अ‍ॅड. माणिकराव मोरे, अ‍ॅड. रमेश लवटे, आबासाहेब सोनवणे, नानासाहेब शेळके, अशोक भिसे, नितीन थोरात, आर.बी. बडे, डावरे मामा, विजय जाधव, बापू राऊत आदींसह क्षीरसागर, दळवी परिवार, महेश मुनोत विद्यालयाचे आजी-माजी शिक्षक, शिक्षकेतर कर्मचारी, जिल्हा बँकेचे आजी-माजी सेवक, ईपीएस 95 पेन्शनर्स, प्रयत्न पुरुष बचतगटाचे सदस्य मोठ्या संख्येने उपस्थित होते. यावेळी प्रमुख पाहुण्यांनी स्व. लिलाबाई यांच्या जुन्या आठवणींना उजाळा देऊन त्यांनी शिक्षण क्षेत्रात दिलेल्या योगदानाची माहिती दिली.
