मराठमोळ्या वेशभूषेत अवतरलेल्या महिलांच्या कल्पकतेचा अविष्कार
संस्कृतीचा वारसा महिलांमुळे जपला जात आहे -मिनाली काबरा
अहमदनगर (प्रतिनिधी)- प्रयास व नम्रता दादी-नानी ग्रुपच्या वतीने हळदी-कुंकू कार्यक्रमात महाराष्ट्राची लोकपरंपरा व संस्कृतीचा जागर करण्यात आला. मराठमोळ्या वेशभूषेत या कार्यक्रमात सहभागी होऊन महिलांनी कार्यक्रमाचा आनंद लुटला. महिलांचे यावेळी रंगलेल्या विविध सांस्कृतिक कार्यक्रम व विविध स्पर्धेतून आपल्या कल्पकतेचा अविष्कार घडविला.
एकमेकींना हळदी-कुंकू लावून कार्यक्रमाची सुरुवात झाली. मिनाली काबरा, कीर्ती शिंगवी, उषा शिंगवी व शोभा काबरा यांच्या प्रमुख उपस्थितीमध्ये झालेल्या कार्यक्रमाप्रसंगी ग्रुपच्या अध्यक्षा अलकाताई मुंदडा, प्रवीणा घैसास, प्रिया आठरे, सविता गांधी, ज्योती कानडे, साधना भळगट, शोभा पोखरणा, मनीषा देवकर, हिरा शहापुरे, जयश्री पुरोहित, शकुंतला जाधव, दीपा सोनी, सुजाता पुजारी, पुष्पा मालू, तारा लढ्ढा, रेखा फिरोदिया, स्वप्नाली शिंगी, स्वाती गुंदेचा, उषा गुगळे आदींसह ग्रुपच्या महिला मोठ्या संख्येने उपस्थित होत्या.
प्रास्ताविकात अलकाताई मुंदडा यांनी महिलांसाठी राबविण्यात येणार्‍या विविध उपक्रमाची माहिती दिली. पाहुण्यांचे स्वागत प्रवीणा घैसास यांनी केले.
मिनाली काबरा म्हणाल्या की, संस्कृतीचा वारसा महिलांमुळे जपला जात आहे. कार्यक्रमात एकत्र येताना स्त्रीयांनी विचारांचा जागर करणे आवश्यक आहे. एकमेकीचे सुख, दु:ख जाणून घेताना, समाजात स्त्रीयांच्या प्रश्‍नावर विचार मंथन होऊन ते सोडविण्यासाठी प्रयत्न करण्याचे सांगितले. कीर्ती शिंगवी यांनी स्त्री ही दोन कुटुंबाचा उध्दार करणारी ज्योत असून, तीच्या प्रगल्भ विचारानेच बदल घडणार असल्याचे सांगितले.
प्रारंभी सोनल तरटे यांनी गीतांवर नृत्याचे उत्कृष्ट सादरीकरण केले. यावेळी महिलांसाठी विविध मनोरंजन, कौशल्यात्मक व बौध्दिक स्पर्धा रंगल्या होत्या. दीपा मालू यांनी घेतलेल्या विविध स्पर्धेत महिलांनी उत्स्फुर्त सहभाग नोंदवला.
विजेत्या महिलांना स्पर्धेचे मुख्य प्रायोजक स्काय ब्रीजचे मुकेश छाजेड व कलश ब्युटिक, काबरा क्रिएशन, रेखा फिरोदिया, उषा गुगळे दिपा राछ, पुष्पा मालू यांच्या वतीने बक्षिसे देण्यात आली. कार्यक्रमाचे सूत्रसंचालन सारिका कासट यांनी केले. आभार दिप्ती मुंदडा यांनी मानले.