ग्रुपच्या सदस्यांचा वृक्षरोपणाने वाढदिवस साजरा
एकोप्याने सुरु असलेली हरदिनची आरोग्य व सामाजिक चळवळ प्रेरणादायी -सीए रवींद्र कटारिया
अहमदनगर (प्रतिनिधी)- भिंगार येथील पै. जुनेद राजू शेख या कुस्तीपटूने अखातवाडे ता. पाचोरा (जि. जळगाव) येथे कुस्तीचे मैदान गाजवून केशाई देवीमाता केसरीचा किताब पटकावून मानाची चांदीची गदा मिळवल्याबद्दल हरदिन मॉर्निंग ग्रुपच्या वतीने त्याचा सन्मान करण्यात आला.
भगवान गौतमबुध्द जॉगींग पार्कमध्ये झालेल्या कार्यक्रमात ग्रुपचे संस्थापक अध्यक्ष संजय सपकाळ व सीए रवींद्र कटारिया यांच्या हस्ते पै. जुनेद शेख यांचा सत्कार झाला. यावेळी रमेश वराडे, दिलीप ठोकळ, सर्वेश सपकाळ, दीपक बडदे, दिलीप गुगळे, सीए श्रेयांश कटारिया, सिद्धार्थ कटारिया, श्रेणीक कटारिया, प्रवीण परदेशी, किशोर बोरा, राजू शेख, विकास भिंगारदिवे, सुमेश केदारे, अभिजीत सपकाळ, संतोष हजारे, अविनाश काळे, बापूसाहेब तांबे, संजय वाघचौरे, संतोष धोत्रे, सरदारसिंग परदेशी, नितीन कदम, भारती कटारिया, सुरेखा आमले, प्रांजली सपकाळ, सविता परदेशी, तरन्नुम शेख, साजदा शेख आदींसह ग्रुपचे सदस्य मोठ्या संख्येने उपस्थित होते.
तसेच ग्रुपचे ज्येष्ठ सदस्य सीए रवींद्र कटारिया यांचा वाढदिवस भगवान गौतमबुध्द जॉगींग पार्कमध्ये वृक्षरोपण करुन साजरा करण्यात आला. ग्रुपच्या सर्व सदस्यांचा वाढदिवस वृक्षरोपणाने साजरा केला जात असून, वाढदिवस असलेला व्यक्ती त्या वृक्षाची संगोपनाची जबाबदारी स्विकारत आहे. ही मोहिम वर्षभर सुरु असून, त्याला चांगला प्रतिसाद मिळत आहे.
संजय सपकाळ म्हणाले की, हरदिन मॉर्निंग ग्रुपच्या वतीने वर्षभर आरोग्य चळवळीसह वृक्षरोपण व संवर्धन मोहिम राबविली जाते. तसेच ग्रुप मधील सदस्य व त्यांच्या कुटुंबीयांनी मिळवलेल्या यशाबद्दल त्यांचा सन्मान करुन त्यांना प्रोत्साहन दिले जात आहे. हरदिनचे सदस्य असलेले राजू शेख यांचे चिरंजीव जुनेद शेख यांनी खडतर परिस्थितीमध्ये पैलवान होण्याचे स्वप्न साकारले आहे. विविध ठिकाणी कुस्तीचे मैदान त्यांनी गाजवले असून, नुकतेच जळगावला पटकावलेल्या मानाच्या चांदीच्या गदेबद्दल त्यांचा हा सन्मान करण्यात आला असल्याचे त्यांनी स्पष्ट केले.
सीए रवींद्र कटारिया म्हणाले की, हरदिन मॉर्निंग ग्रुप हे कुटुंब बनले आहे. यामधील सदस्य जात, धर्म, पैसा यामध्ये मतभेद न ठेवता सर्व एकोप्याने आरोग्य व सामाजिक चळवळ चालवित असून, हे कार्य प्रेरणादायी आहे. अनेक गरजू व दुर्बल घटकातील विद्यार्थ्यांना ग्रुपच्या माध्यमातून मदत दिली जात आहे. जीवनातील अडचणींना सामोरे जाण्यासाठी आपुलकी व प्रेमाची गरज असते. हे प्रेम या ग्रुपच्या माध्यमातून मिळत आहे. जीवनाची कुस्ती जिंकण्यासाठी प्रत्येकाच्या जीवनात हरदिनसारखी आरोग्यमय व आनंदी पहाट उगविण्याची आशा त्यांनी व्यक्त केली.
हा कार्यक्रम यशस्वी करण्यासाठी संतोष लुणिया, रमेश कोठारी, विशाल भामरे, अशोक दळवी, अशोक पराते, विनोद खोत, सिताराम परदेशी, एकनाथ जगताप, नामदेव जावळे, सुंदरराव पाटील, रामनाथ गर्जे, राजू कांबळे, आनंद सदलापूर, जालिंदर अळकुटे, विश्‍वास वाघस्कर, तुषार धाडगे, अजेश पुरी, हरीश साळुंके, आदिनाथ रासकर, शरद धाडगे, राहुल अमृत, अजय खंडागळे, विकास निमसे, किरण फुलारी, सूर्यकांत कटोरे, संजय इस्सर, दिनकर धाडगे, माजीद शेख, रोशन वाल्मिकी, शरद धतुरे, गोकुळ भांगे, अविनाश पोतदार, सिद्दू बेरड, मिलिंद क्षीरसागर, भाऊसाहेब गुंजाळ, भाऊसाहेब कासार, योगेश चौधरी आदींनी परिश्रम घेतले.