तर नवमतदारांची होणार नोंदणी
महिलांची आरोग्य, रक्तगट, हिमोग्लोबिन, हाडाचे कॅल्शियम, नेत्रतपासणीसह आयुर्वेद व होमिओपॅथी शिबीराचा समावेश
अहमदनगर (प्रतिनिधी)- शहरात 10 ते 13 ऑक्टोंबर कालावधीत होत असलेल्या सावित्री ज्योती महोत्सवामध्ये भव्य मोफत आरोग्य शिबिराचे आयोजन करण्यात आले असून, यावेळी युवक-युवतींची नवमतदार नोंदणी केली जाणार असल्याची माहिती महोत्सवाचे मुख्य संयोजक अ‍ॅड. महेश शिंदे, पोपटराव बनकर व संजय गवारे यांनी दिली. या शिबिराचे लाभ घेण्याचे आवाहन संयोजकांनी केले आहे.
सावेडी येथील कोहिनूर मंगल कार्यालयात राज्यस्तरीय सावित्री ज्योती महोत्सवाचे आयोजन करण्यात आले आहे. या आरोग्य शिबीरात महापालिकेच्या आरोग्य विभाग अंतर्गत मोफत रक्तगट, हिमोग्लोबिन तपासणी करुन तसेच रक्तदान शिबिराचे आयोजन करण्यात आले आहे. हे शिबीर मनपा आरोग्य अधिकारी डॉ. अनिल बोरगे, वैद्यकीय अधिकारी डॉ. सतीश राजुरकर, डॉ. शंकर शेडाळे, जनसंपर्क अधिकारी संतोष काळे यांच्या मार्गदर्शनाखाली होणार आहे. पुण्याच्या के.के. आय बुधराणी हॉस्पिटलच्या माध्यमातून मोफत नेत्र तपासणी व मोतीबिंदू शस्त्रक्रिया शिबिर नेत्रदूत जालिंदर बोरुडे यांच्या संयोजनातून होणार आहे. तसेच स्त्री रोग तज्ञ डॉ. भास्कर तज्ञ भास्कर रणनवरे महिलांची आरोग्य तपासणी करणार आहेत.
उमंग फाउंडेशनचे संतोष गिर्‍हे, वैशाली कुलकर्णी या निसर्गोपचारच्या माध्यमातून तपासणी करणार आहे. डॉ. दिनेश मेहेत्रे हे आधुनिक मशीनच्या सहाय्यातून हाडांमधील कॅल्शियमची तपासणी करणार आहेत. डॉ. गणपत जाधव होमिओपॅथीच्या तर डॉ. किशोर पाथरकर व डॉ. धनाजी बनसोडे आयुर्वेदिकच्या माध्यमातून रुग्णांची तपासणी करणार आहे.
त्याच्याबरोबर जिल्हा प्रशासनाच्या माध्यमातून उपजिल्हाधिकारी जितेंद्र पाटील यांच्या मार्गदर्शनाखाली 18 वर्षे पूर्ण झालेल्या युवक-युवतीची मतदार नोंदणी, पत्ता बदल, मतदान कार्डातील दुरुस्ती केली जाणार आहे. जिल्हा प्रशासन, नेहरू युवा केंद्र, जिल्हा क्रीडा कार्यालय, जिल्हा महिला व बाल कल्याण विभाग, महिला आर्थिक विकास महामंडळ, समाजकार्य महाविद्यालय, समाज कल्याण विभाग, कासा संस्था, एकात्मिक बाल विकास सेवा योजना, जय असोसिएशन ऑफ एनजीओ महाराष्ट्र राज्य, अहमदनगर महानगरपालिका, जिल्हा रुग्णालय आदींच्या माध्यमातून सदर कार्यक्रम होणार आहे.
शिबिराच्या आयोजनासाठी जयश्री शिंदे, आश्‍विनी वाघ, आरती शिंदे, शाहीर कान्हु सुंबे, जयश्री कुलथे, मीना म्हसे, शेखर होले, नयना बनकर, आनंद वाघ, मेजर भिमराव उल्हारे, रावसाहेब काळे, दत्ता वामन, संजय साळवे, स्वाती डोमकावळे, प्रीती औटी, बाळासाहेब पाटोळे, रावसाहेब मगर, निलेश रासकर, रजनी ताठे, कांतीलाल पाटोळे, रमेश गाडगे, सिध्दार्थ चव्हाण, रावसाहेब झावरे, दिनेश शिंदे, प्रा. सुनील मतकर आदी प्रयत्नशील आहे.
या उपक्रमासाठी मार्गदर्शन म्हणून उपजिल्हाधिकारी जितेंद्र पाटील, जिल्हा क्रीडा अधिकारी भाग्यश्री बिले, जिल्हा युवा समन्वयक शिवाजीराव खरात, माविमचे जिल्हा समन्वय अधिकारी संजय गर्जे, समाजकार्य महाविद्यालयाचे संचालक डॉ. सुरेश पठारे, कासाचे प्रकल्प अधिकारी सुनील गायकवाड, समाज कल्याण विभागाचे राधाकिसन देवढे, मनपा आयुक्त पंकज जावळे, ए.बा.वी.से. योजनेच्या संध्या देशमुख, जिल्हा परिषदचे उपमुख्य कार्यकारी अधिकारी मनोज ससे, जिल्हा रुग्णालयाचे जिल्हा शल्यचिकित्सक डॉ. संजय घोगरे, जिल्हा महिला व बाल कल्याण विभागाचे बी.बी. वारुडकर, अ‍ॅड. सुरेश लगड, मेहेरनाथ कलचुरी काम पाहत आहे.
