युनिर्व्हसल एज्युकेशन ट्रस्टचा उपक्रम
शिबिराला नागरिकांचा उत्स्फुर्त प्रतिसाद
अहमदनगर (प्रतिनिधी)- गोविंदपूरा येथे युनिर्व्हसल एज्युकेशन ट्रस्टच्या वतीने मोफत दंतरोग तपासणी शिबिर घेण्यात आले. या शिबिरास मुकुंदनगर परिसरातील नागरिकांचा उत्स्फुर्त प्रतिसाद लाभला. यामध्ये मोफत दंत तपासणी करुन, मौखिक आरोग्यावर मार्गदर्शन करण्यात आले.
या शिबिराच्या उद्घाटनाप्रसंगी बक्कर कसाब ट्रस्टचे हाजी इरफान, उद्योजक हाजी शौकत तांबोली, नगरसेवक बाळासाहेब बोराटे, शिवसेनेचे (बाळासाहेबांची) शहराध्यक्ष दिलीप सातपुते, नगरसेवक समद खान, सचिन जाधव, आसिफ सुलतान, युनिर्व्हसल एज्युकेशन ट्रस्ट चेअरमन अब्दुल शेख, व्हाईस चेअरमन महेबुब शेख, बाराबाभळी मदरसाचे कारी अब्दुल कादीर, मुफ्ती अल्ताफ, माजी नगरसेविका नसिम खान, तोफखाना पोलीस स्टेशनचे उपनिरीक्षक समाधान सोळंकी, अन्जर खान, तारिक कुरेशी, असगर सय्यद, राष्ट्रवादीचे शहर जिल्हाध्यक्ष प्रा. माणिक विधाते, अ‍ॅड. आमिन धारोणी, हाजी वसिम खाटिक, बशीर शेख, डॉ. रिजवान अहमद, नफिस चुडीवाला, शफी जहागीरदार, इंजि. अनिस शेख, अजिम जहागीरदार, अश्पाक शेख आदी उपस्थित होते.
प्रास्ताविकात संस्थेचे चेअरमन अब्दुल शेख यांनी फास्टफुडच्या जमान्यात मोठ्या प्रमाणात दातांचे विकार जडत आहे. लहान मुलांपासून ज्येष्ठ नागरिकांपर्यंत त्याचा त्रास होत असतो. खर्चिक आरोग्य सेवेमुळे सर्वसामान्यांना चांगल्या डॉक्टरांकडे जाता येत नाही. यासाठी युनिर्व्हसल एज्युकेशन ट्रस्टने पुढाकार घेऊन सर्वांसाठी मोफत दंत तपासणी शिबिर घेतल्याचे त्यांनी सांगितले. पाहुण्यांचे स्वागत व्हाईस चेअरमन महेबुब शेख यांनी केले.
हाजी शौकत तांबोली यांनी दंत तपासणी शिबिर काळाची गरज बनली आहे. सर्व घटकामध्ये दातांचे विकार जडत असून, त्यादृष्टीने घेतलेले शिबिराचा उपक्रम कौतुकास्पद असल्याचे सांगितले. शिवसेनेचे (बाळासाहेबांची) शहराध्यक्ष दिलीप सातपुते यांनी विविध मोफत शिबिर सर्वसामान्य घटकांना आधार ठरत आहे. सेवाभाव या दृष्टीकोनाने घेतलेला हा उपक्रम दिशादर्शक असल्याचे त्यांनी सांगितले.
या शिबिराद्वारे डॉ. के.डी. चेतन व डॉ. मोहिनी काळे यांनी दंत तपासणी करुन उपस्थितांना दंत विकार टाळण्यासाठी माहिती दिली. शिबिरार्थीं महिलांसाठी विशेष महिला डॉक्टरची सोय देखील करुन देण्यात आली होती. यावेळी गरजूंना मोफत औषधेही देण्यात आली. यामध्ये अद्यावत पध्दतीने दंत तपासणी करुन पुढील उपचारासाठी पन्नास टक्के सवलत देण्यात आली आहे.