सुशिक्षित युवक-युवतींचा समावेश
पोलीस मित्रांना संधी देण्याचे पोलीस अधीक्षकांना दक्ष नागरिक फाउंडेशनचे पत्र
अहमदनगर (प्रतिनिधी)- पोलिसांच्या खांद्याला खांदा लावून सेवा करण्यास पोलीस मित्रांना संधी देण्याचे पत्र दक्ष नागरिक फाउंडेशनच्या वतीने जिल्हा पोलीस अधीक्षक राकेश ओला यांना देण्यात आले. यावेळी फाऊंडेशनचे नाशिक विभागीय अध्यक्ष प्रा. पंकज लोखंडे, जिल्हा सचिव युसूफ शेख, महिला शहर आघाडीच्या वैशाली नराल, जिल्हा समन्वयक उदय खळेकर, पोलिस मित्र इनचार्ज प्रविण जाधव, उप इनचार्ज विशाल ठुबे, तालुका सचिव शंकर भुसारी, रामनाथ खोमणे, विजय जाधव, रॉर्बट भाकरे, नितिन साठे, शारदा साळवे, सुनंदा सरोदे, सोनू गायकवाड, भिवा कोळपे, विजय दुबे, योगेश बाचकर, नारायण माने, अनिल कोळपे, अशोक बाचकर, संतोष गाडे, अमन साखरे, विजय कोळपे, सूरज साळवे, अक्षय कलापूरे, श्रीकांत राजगुरू, विशाल खेडकर, शंकर जाटे, गणपत न्ननवरे, जबा बेद्रे, किरण बेद्रे, जॉनसन लोखंडे, आदेश जाधव, जावेद सय्यद, बाळासाहेब सनस, अ‍ॅड. संजय पवार आदी उपस्थित होते.
जिल्ह्यात दक्ष नागरिक फाउंडेशन संचलित पोलीस मित्र संघटना कार्यरत आहे. यामध्ये सुशिक्षित युवक-युवती असून, त्यांना पोलीस दलातील कामकाजा संदर्भातील सर्व प्रशिक्षण दिलेले आहे. अहमदनगर सर्वात मोठा जिल्हा असल्याने पोलीस यंत्रणेवर नेहमीच कामाचा मोठा ताण असतो. यासाठी जिल्ह्यात पोलीस मित्र सेवा देण्यास तयार आहेत. सर्व पोलीस स्टेशनमध्ये वाहतूक व्यवस्था, मंदिर सुरक्षा, सण-उत्सव काळातील बंदोबस्त इतर कामासाठी पोलीस अधिकार्‍यांच्या मार्गदर्शनाखाली सर्व पोलीस मित्र सेवा देण्यास तयार असल्याचे पत्रात नमुद केले असून, काम करण्याची संधी उपलब्ध करण्याची मागणी पोलीस अधीक्षक ओला यांच्याकडे करण्यात आली आहे.
क्षेत्रफळाच्या दृष्टीने अहमदनगर सगळ्यात मोठा जिल्हा असून, अपुरे पोलीस मनुष्यबळामुळे पोलीस प्रशासनावर मोठा ताण वाढत आहे. त्यांच्या खांद्याला खांदा लाऊन समाजसेवेच्या भावनेने पोलीस मित्र संघटनेचे युवक-युवती पोलीस प्रशासनाला सहकार्यासाठी तयार आहेत. पोलीस अधिकार्‍यांच्या मार्गदर्शना खाली सर्व पोलीस मित्र सेवा देण्यास कटीबद्ध राहणार आहे. -प्रा. पंकज लोखंडे (नाशिक विभागीय अध्यक्ष, दक्ष नागरिक फाउंडेशन)