विविध तपासण्या, उपचार व तज्ञांचे मार्गदर्शन
लायन्स क्लब, सेवाप्रीत, लिओ व इनरव्हील क्लबचा उपक्रम
वाजिद शेख अहमदनगर (प्रतिनिधी)- लायन्स क्लब ऑफ अहमदनगर, सेवाप्रीत, लिओ क्लब ऑफ अहमदनगर व इनरव्हील क्लब यांच्या संयुक्त विद्यमाने महिलांची विविध आरोग्य तपासणी करण्यात आली. या शिबिरास सर्व समाजातील महिलांचा उत्स्फूर्त प्रतिसाद लाभला.
रामचंद्र खुंट येथील डॉक्टर सिमरन वधवाज केअर ॲण्ड क्युअर सेंटर येथे झालेल्या शिबिराचे उद्घाटन दीपप्रज्वलनाने लायन्सचे विभागीय अध्यक्ष हरिश हरवानी यांच्या हस्ते झाले. यावेळी डॉ. मानसी आसनानी, डॉ. सिमरनकौर वधवा, डॉ. राजीव चीटकोपीकर, डॉ. कल्पना गायकवाड, डॉ. सारिका झरेकर, डॉ. रेखा पानपाटील, अध्यक्ष धनंजय भंडारे, सचिव दिलीप कुलकर्णी, गीता माळवदे, खजिनदार नितीन मुनोत, अर्चना खंडेलवाल, अरमान खंडेलवाल, गीता नय्यर, अन्नू थापर, इनरव्हिलच्या अध्यक्षा श्रीलता आडेप, सुहिणी संगत फाऊंडेशनच्या अध्यक्षा मुस्कान सचदेव, प्रकल्प प्रमुख विजय कुलकर्णी, रुचिता कुमार, अंजू कथुरिया, स्विटी गुप्ता आदींसह महिला मोठ्या संख्येने उपस्थित होत्या.
प्रास्ताविकात डॉ. सिमरनकौर वधवा म्हणाल्या की, दरवर्षी महिलांसाठी विविध आरोग्य शिबिराचे आयोजन करण्यात येते. कुटुंबात व कामात व्यस्त असलेल्या महिला वर्ग आरोग्याकडे दुर्लक्ष करतात. काहींची आर्थिक परिस्थिती असून, देखील कामाच्या व्यापामुळे सर्व तपासण्या एका छताखली उपलब्ध होत नसल्याने तर काहींची आर्थिक परिस्थिती अभावी आरोग्य चाचण्या करीत नाही. मोठा आजार उद्भवल्यास डॉक्टरांकडे जाण्यापेक्षा आजार होऊ नये, यासाठी वेळोवेळी तपासण्या गरजेचे असल्याचे त्यांनी सांगितले.
हरिश हरवानी म्हणाले की, महिला या कुटुंबाचा कणा असून, त्यांचे आरोग्य चांगले राहिल्यास कुटुंबाची सुखी वाटचाल राहणार आहे. महिलांच्या आरोग्यासाठी सर्व तपासण्या एकाच छताखाली उपलब्ध झाल्याचा त्यांना फायदा होणार असल्याचे त्यांनी सांगितले.
अध्यक्ष धनंजय भंडारे म्हणाले की, बदलती जीवनशैली, व्यायामाचा अभाव, तणाव व चुकीची आहार पध्दतीमुळे आजाराचे प्रमाण वाढत आहे. आजारावर मात करण्यासाठी त्याचे लवकर निदान होणे आवश्‍यक आहे. यासाठी विविध शिबिराच्या माध्यमातून केल्या जाणाऱ्या तपासण्या जीवनाला नवसंजीवनी देणारे ठरणार असल्याचे त्यांनी स्पष्ट केले. तर महिलांनी दिलेल्या उत्स्फूर्त प्रतिसादाचे कौतुक केले. उपस्थित तज्ञ डॉक्टरांनी महिलांना निरोगी आरोग्याबद्दल जागृत राहण्याचे आवाहन करुन सदृढ आरोग्याबद्दल मार्गदर्शन केले.
दिवसभर झालेल्या या शिबिरात शंभरपेक्षा जास्त महिलांची आरोग्य तपासणी करण्यात आली. त्याचबरोबर थायरॉईड, रक्तातील साखर तपासणी, कॅल्शियम, हिमोग्लोबिन तपासणी, दातांचे विकार व उपचार, नसांची तपासणी, डोळ्यांची तपासणी, हात-पायांना मुंग्या येणे, तळपायांची आग, कान, नाक, घसा विकार व उपचार या सर्व तपासण्या अल्प दरात करण्यात आल्या. कार्यक्रमाचे सूत्रसंचालन शेरी धुप्पड यांनी केले. आभार अंजू कथुरिया यांनी मानले. शिबिर यशस्वी करण्यासाठी लायन्स, लिओ, सेवाप्रीत व इनरव्हील क्लबच्या सर्व सदस्यांनी परिश्रम घेतले.
