अहमदनगर (प्रतिनिधी)- राष्ट्रवादी युवक काँग्रेसच्या शहर जिल्हाध्यक्षपदी इंजि. केतन क्षीरसागर यांची नियुक्ती करण्यात आली. राष्ट्रवादीचे प्रदेशाध्यक्ष सुनिल तटकरे व युवकचे प्रदेशाध्यक्ष सुरेश चव्हाण यांनी या नियुक्तीची घोषणा केली. मुंबई येथे उपमुख्यमंत्री ना. अजित पवार यांच्या हस्ते इंजि. क्षीरसागर यांना नियुक्तीपत्र देण्यात आले.
इंजि. केतन क्षीरसागर यांचे युवकांना संघटित करुन त्यांचे प्रश्‍न सोडविण्यासाठी सातत्याने कार्य सुरु आहे. तसेच विविध उपक्रमातून ते युवकांना पक्षाशी जोडण्याचे कार्य करत आहे. त्यांच्या पक्षीय व सामाजिक कार्याची दखल घेऊन त्यांची युवक शहर जिल्हाध्यक्षपदी फेरनिवड करण्यात आली आहे.
इंजि. केतन क्षीरसागर यांनी उपमुख्यमंत्री पवार यांच्याशी शहरातील युवकांच्या विविध प्रश्‍न व रोजगार निर्मितीवर चर्चा केली. तर आमदार संग्राम जगताप यांच्या माध्यमातून बेरोजगार युवकांना रोजगाराच्या संधी उपलब्ध होण्यासाठी सुरु असलेल्या कार्याची माहिती दिली. तर भविष्यात युवकांचे संघटन करुन पक्षाला बळकट करण्याचा निर्धार त्यांनी व्यक्त केला.
या निवडीबद्दल इंजि. क्षीरसागर यांचे आमदार अरुणकाका जगताप व आमदार संग्राम जगताप यांनी अभिनंदन करुन पुढील कार्यास शुभेच्छा दिल्या.