नागरिकांना प्लास्टिक मुक्तीची शपथ
हरदिनचे सार्वजनिक स्वच्छता व आरोग्य चळवळीसाठी सातत्याने पुढाकार -संजय सपकाळ
अहमदनगर (प्रतिनिधी)- वर्षभर आरोग्य चळवळ चालविणाऱ्या हरदिन मॉर्निंग ग्रुपच्या वतीने महात्मा गांधीजी यांच्या जयंतीच्या पार्श्वभूमीवर रविवारी (दि.1 ऑक्टोबर) सकाळी स्वच्छता हीच सेवा उपक्रमातंर्गत भिंगार येथील भगवान गौतम बुध्द जॉगिंग पार्क व परिसरात स्वच्छता अभियान राबविण्यात आले. तर पर्यावरणासाठी घातक ठरत चाललेल्या प्लास्टिक कचरा हद्दपार करण्याच्या उद्देशाने नागरिकांना यावेळी प्लास्टिक मुक्तीची शपथ देण्यात आली.
हातात झाडू घेऊन ग्रुपचे सर्व सदस्य स्वच्छता मोहिमेत सहभागी झाले होते. परिसरात मोठ्या प्रमाणात असलेला कचरा, प्लास्टिक पिशव्या व बॉटल, झाडांची सुकलेली पाने, काटेरी झाडे-झुडपांची सफाई करुन परिसराची स्वच्छता करण्यात आली.
या अभियानात ग्रुपचे संस्थापक अध्यक्ष संजय सपकाळ, रमेश वराडे, मेजर दिलीप ठोकळ, दिपकराव बडदे, अशोक पराते, मनोहर दरवडे, सर्वेश सपकाळ, महेंद्र सोनवणे, गणेश भोर, राजू कांबळे, अविनाश काळे, विठ्ठलराव राहिंज, अविनाश पोतदार, किरण फुलारी, बापूसाहेब तांबे, अभिजीत सपकाळ, अरविंद कुडिया, उद्धवराव शिंदे, पोपट भांड, अविनाश जाधव, अनंत सदलपूर, संजय वाकचौरे, रामनाथ गर्जे, योगेश चौधरी, सार्थक साठे, सुधीर बग्गन, कुमार धतुरे, धीरज गुगळे, विशाल भामरे, गोरख पुंड, तन्वीर खान आदींसह सदस्य मोठ्या संख्येने सहभागी झाले होते.
संजय सपकाळ म्हणाले की, हरदिन मॉर्निंग ग्रुपच्या वतीने वर्षभर आरोग्य व पर्यावरण संवर्धनाची चळवळ राबवित आहे. ग्रुपच्या सदस्यांचा वाढदिवस, सण-उत्सव, महापुरुषांची जयंती-पुण्यतिथी देखील वृक्षरोपण व स्वच्छता अभियानाने साजरी केली जाते. अनेक नागरिक या चळवळीशी जुडले गेले आहेत. हरदिनच्या वतीने सातत्याने सार्वजनिक स्वच्छतेसाठी पुढाकार घेण्यात आला असून, नागरिकांना स्वच्छतेचा संदेश देण्यात येत आहे. निरोगी आरोग्यासाठी सार्वजनिक स्वच्छता महत्त्वाची असून, सर्वांनी योगदान देऊन घराप्रमाणे आपला परिसर स्वच्छ ठेवण्याचे त्यांनी सांगितले.