1608 केमिस्ट बांधवानी केले रक्तदान
सामाजिक बांधिलकी जपण्याचे कार्य केमिस्ट बांधव करत आहे -अशोक बर्डे
नगर (प्रतिनिधी)- अहिल्यानगर जिल्हा व शहर केमिस्ट असोसिएशनच्या वतीने शहरासह संपूर्ण जिल्ह्यात रक्तदान शिबिर राबविण्यात आले. महाराष्ट्र राज्य केमिस्ट असोसिएशनच्या माध्यमातून जगन्नाथ (आप्पासाहेब) शिंदे यांच्या अमृत महोत्सवी वाढदिवसानिमित्त या रक्तदान शिबिराचे आयोजन करण्यात आले होते. यामध्ये 1608 केमिस्ट रक्तदात्यांनी रक्तदान करुन समाजाप्रती आपली बांधिलकी व्यक्त केली. तालुकास्तरावर झालेल्या रक्तदान शिबिरात केमिस्ट बांधवांचा उत्स्फूर्त प्रतिसाद लाभला.
शहरात सात ठिकाणी रक्तदान शिबिराचे आयोजन करण्यात आले होते. या रक्तदान शिबिराचे उद्घाटन अन्न व औषध प्रशासनचे सहाय्यक आयुक्त अशोक बर्डे यांच्या हस्ते झाले. यावेळी जिल्हा केमिस्ट असोसिएशनचे जिल्हाध्यक्ष दत्ता गाडळकर, सचिव मनीष सोमानी, भरत सुपेकर, मनोज खेडकर, महेश आठरे, एमएसएमआरएचे अध्यक्ष किरण वाळके, प्रमोद सोळंकी, अभय गुगळे, जयंत रंगा, संजय गुगळे, अशोक बलदोटा, राजेंद्र बलदोटा, अनिल गांधी, संजय गुंदेचा, आशुतोष कुकडे, संदीप कोकाटे, रुपेश भंडारी, कमलेश गुंदेचा, सुधाकर बोरुडे, अमित धाडगे, महेश अनमल, अविनाश साळुंके, महेंद्र अनमल, एमआरए संघटनेचे दीपक पापडेजा, मिलिंद क्षीरसागर, नितीन सातपुते, राजेंद्र बेद्रे, युवराज खेडकर, अवधूत बोरुडे, संकेत गुंदेचा, आदेश जाधव, सागर फुलसौंदर, अनिल क्षीरसागर, अभिजीत गांगर्डे, विशाल नातू, महेंद्र राऊत, विनोद गांधी, ज्ञानेश्‍वर यादव आदींसह केमिस्ट बांधव, केमिस्ट कुटुंबीय, नातेवाईक, मित्रपरिवार, दुकानातील कर्मचारी, औषध विक्री सभासद व संघटनेचे सदस्य मोठ्या संख्येने उपस्थित होते.
अशोक बर्डे म्हणाले की, केमिस्ट असोसिएशन देश पातळीवर सामाजिक भावनेने काम करत आहे. जिल्ह्यात केमिस्ट बांधवांनी राबविलेले सामाजिक उपक्रम दिशादर्शक आहे. व्यवसाय करुन सामाजिक बांधिलकी जपण्याचे कार्य केमिस्ट बांधव करत आहे. रक्तदान ही गरजू रुग्णांना जीवदान ठरणारी चळवळ आहे. रक्तासाठी मनुष्याला मनुष्यावरच अवलंबून रहावे लागत आहे. या सामाजिक चळवळमध्ये प्रत्येकाचे योगदान महत्त्वाचे आहे. रक्तदानासाठी केमिस्ट असोसिएशनचा पुढाकार कौतुकास्पद असल्याचे त्यांनी सांगितले.
दत्ता गाडळकर म्हणाले की, केमिस्ट असोसिएशनच्या माध्यमातून राज्यातील सर्व झोनमधील सर्व जिल्ह्यांमध्ये शहरासह तालुकास्तरावर रक्तदान शिबिराचे आयोजन करण्यात आले होते. राज्यात एकाच दिवशी 75 हजार पेक्षा जास्त रक्तदात्यांचे रक्त संकलन करण्यात आलेले आहे. राज्यातील रक्ताचा तुटवडा भरून काढण्याच्या उद्देशाने जगन्नाथ (आप्पासाहेब) शिंदे यांच्या अमृत महोत्सवी वाढदिवसानिमित्त या उपक्रमाचे आयोजन करण्यात आले होते. केमिस्ट असोसिएशन सेवाभावाने विविध सामाजिक उपक्रम राबवीत असल्याचे त्यांनी स्पष्ट केले.
शहर व जिल्ह्यात झालेले रक्तदान शिबिर यशस्वी करण्यासाठी ए.आय.ओ.सी.डी.ए. निमंत्रित सदस्य अजित पारख, जिल्हा सचिव आबासाहेब बेदरे, खजिनदार प्रशांत उबाळे, जिल्हा केमिस्ट असोसिएशनचे पदाधिकारी व सदस्य यांनी विशेष परिश्रम घेतले.