स्वामी विवेकानंद जनकल्याण प्रबोधिनीच्या रक्तदान शिबिरात उत्स्फूर्त सहभाग
रक्तदान ही मानवतेची चळवळ -संजय सपकाळ
अहमदनगर (प्रतिनिधी)- भिंगार येथील स्वामी विवेकानंद जनकल्याण प्रबोधिनी ट्रस्टच्या वतीने राबविण्यात आलेल्या रक्तदान शिबिरात हरदिन मॉर्निंग ग्रुपच्या सदस्यांनी उत्स्फूर्तपणे रक्तदान केले. तब्बल तेवीस वर्ष सामाजिक क्षेत्रासह पर्यावरण संवर्धन व योगातून निरोगी आरोग्याची चळवळ चालविणाऱ्या ग्रुपच्या सदस्यांनी रक्तदान मोहिमेत पुढाकार नोंदवला.
या रक्तदान शिबिराप्रसंगी स्वामी विवेकानंद प्रबोधिनी ट्रस्टचे संस्थापक अध्यक्ष प्रमोद मुळे, हरदिन मॉर्निंग ग्रुपचे संस्थापक अध्यक्ष संजय सपकाळ, मेजर दिलीप ठोकळ, दीपकराव बडदे, सर्वेश सपकाळ, वसंत राठोड, अविनाश पोतदार, शरद धतुरे, तुषार घाडगे, श्रीश देशपांडे, सार्थक साठे, रामनाथ गर्जे, अजय खंडागळे, नागेंद्र जाधोवर, विकास निमसे, राजू कांबळे, अशोक लोंढे, जनकल्याण रक्तपिढीचे डॉ. मढीकर, सोनाली खांडरे, किशोर यादव आदी उपस्थित होते.
संजय सपकाळ म्हणाले की, रुग्णांच्या आयुष्यासाठी रक्त ही जीवनावश्‍यक बाब बनली आहे. रक्तासाठी मनुष्य मनुष्यावरच अवलंबून असून, ही मानवतेची चळवळ गरजू रुग्णांना जीवदान देणारी आहे. थैलीसीमीया, डायलिसिस आणि कर्करोगाच्या रुग्णांना रक्ताची नितांत आवश्‍यकता भासत असते. तर एखादी दुर्घटना व अपघातामधील रुग्णांना तातडीने रक्ताची आवश्‍यकता भासते. अशा वेळेस रक्तदाता हा एखाद्याचा जीवदाता ठरत असतो. माणुसकीच्या भावनेने प्रत्येकाने रक्तदान करण्याचे त्यांनी आवाहन केले.
प्रमोद मुळे यांनी दरवर्षी ट्रस्टच्या वतीने राबविण्यात येणाऱ्या रक्तदान शिबिरात हरदिन मॉर्निंग ग्रुपचे सदस्य आवर्जून रक्तदान करत असल्याचे त्यांनी कौतुक केले.
या शिबिरात हरदिन मॉर्निंग ग्रुपचे सदस्य असलेले रमेश वराडे, सौ. सुनीता वराडे, सुमेश केदारे, किशोर भिंगारकर, दिलीप गुगळे, अविनाश काळे, अशोक पराते, बापूसाहेब तांबे, दीपकराव धाडगे, मनोहर दरवडे, विलास तोतरे, विश्‍वास वाघस्कर, महादेव ठोकळ, गणेश शिंदे, आशुतोष गलांडे, गोकुळ धाडगे, रामदास मोहिते, मिलिंद क्षीरसागर, महेश नामदे, किरण गायकवाड, दीपक दरवडे आदींनी रक्तदान केले. या रक्तदात्यांचा ट्रस्टच्या वतीने सन्मान करण्यात आला.