हरदिन मॉर्निंग ग्रुपचा उपक्रम
नागरिकांना मिठाईचे वाटप
नगर (प्रतिनिधी)- भिंगार शहरात हरदिन मॉर्निंग ग्रुपच्या वतीने स्वच्छता अभियान राबवून व वृक्षरोपण करून छत्रपती शिवाजी महाराज यांची साजरी करण्यात आली. भगवान गौतम बुद्ध जॉगिंग पार्कमध्ये ग्रुपच्या सदस्यांनी बुधवारी (दि.19 फेब्रुवारी) सकाळी हातात झाडू घेऊन संपूर्ण परिसराची स्वच्छता केली. तर छत्रपती शिवाजी महाराजांना अभिवादन करुन वृक्षारोपण करण्यात आले. यावेळी सर्व नागरिकांना मिठाईचे वाटप करण्यात आले.
प्रारंभी जॉगिंग पार्कच्या प्रवेशद्वारात शिवाजी महाराजांच्या पुतळ्यास पुष्पहार अर्पण करुन अभिवादन करण्यात आले. यावेळी उपस्थितांनी शिवाजी महाराजांचा एकच जयघोष केला. याप्रसंगी ग्रुपचे संस्थापक अध्यक्ष संजय सपकाळ, मेजर दिलीप ठोकळ, सर्वेश सपकाळ, रतनशेठ मेहत्रे, दिलीप गुगळे, सुधीर कपाले, जहीर सय्यद, दीपक अमृत, अरविंद ब्राह्मणे, दीपकराव धाडगे, ह.भ.प. ज्ञानेश्‍वर महाराज अनावडे, अभिजीत सपकाळ, संजय भिंगारदिवे, विकास भिंगारदिवे, अशोक लोंढे, राजू कांबळे, सरदारसिंग परदेशी, प्रकाश देवळालीकर, शिरीष पोटे, दीपक लिपाणे, कन्हैया परदेशी, ॲड. सिध्देश कटारिया, दिपकराव घोडके, जालिंदर अळकुटे, मेजर नवनाथ वेताळ, चुनीलाल झंवर, संजय ढोणे, नामदेवराव जावळे, अविनाश पोतदार, कुमार धतुरे, प्रवीण परदेशी, योगेश चौधरी, हरिष साळुंके, अनिल हळगावकर, मंगेश मोकळ, बाळासाहेब झिंजे, दत्तात्रेय लाहुंडे, नवनाथ खराडे, किरण गायकवाड, चेतन वझगडेकर, संदीप छजलानी, खान सर, कुंडलिकराव ढाकणे, देविदास गोंडाळ, शैलजा पोतदार, सविता परदेशी, प्रांजली सपकाळ, विशाल भामरे, चंदाताई बेद्रे आदींसह हरदिनचे सदस्य व नागरिक मोठ्या संख्येने उपस्थित होते.
संजय सपकाळ म्हणाले की, हरदिन मॉर्निंग ग्रुपच्या वतीने महापुरुषांची जयंती विविध सामाजिक उपक्रमांनी साजरी केली जाते. शिवजयंतीला आरोग्यासाठी स्वच्छतेचा आणि पर्यावरण संवर्धनासाठी वृक्षारोपणाचा संदेश देण्यात आला आहे. महापुरुषांची जयंती ही त्यांचे विचार घेऊन सामाजिक उपक्रमांनी साजरी झाल्यास अनेक प्रश्‍न सुटणार असल्याची भावना त्यांनी व्यक्त केली.
छत्रपती शिवाजी महाराज पराक्रमी धाडसी असे रयतेचे राजे होते. त्यांनी पराक्रमाने अशक्य असे स्वराज्याचे स्वप्न साकारले. महाराजांना बालवयातच राजमाता जिजाऊंनी चांगले संस्कार व शिकवण देऊन त्यांच्या मनात स्वराज्याची ज्योत पेटवली होती. महाराजांनी प्रजेवर अन्याय होऊ दिला नाही, ते सर्वांना समान न्याय, सर्वधर्मसमभाव, स्त्रियांप्रती आदरभाव या प्रमाणे वागले. आजच्या पिढीने त्यांचा आदर्श घेऊन समाजात कार्य करण्याचे त्यांनी सांगितले.
अरविंद ब्राह्मणे व संजय भिंगारदिवे यांनी छत्रपती शिवाजी महाराजांच्या जीवनावर मार्गदर्शन करुन महाराजांचा पराक्रम, संस्कार आणि प्रजेच्या कल्याणासाठी त्यांनी निर्माण केलेल्या राज्याची माहिती दिली. त्यांनी समान न्याय व सर्वधर्मसमभावावर निर्माण केलेल्या राज्याची प्रेरणा युवकांना घेण्याचे आवाहन केले.