विखे व जगताप यांनी एकत्रित घेतला पानचा आस्वाद
अहमदनगर (प्रतिनिधी)- लोकसभा निवडणुकीचे पडघम वाजत असताना नुकतीच भाजपकडून अहमदनगर दक्षिण लोकसभेची उमेदवारी जाहीर झालेले खासदार डॉ. सुजय विखे पाटील यांनी शहरातील पानाचा आस्वाद घेतला. उपस्थित असलेले आमदार अरुणकाका जगताप यांनी देखील विखे यांच्या बरोबर पान घेतला. यावेळी आमदार संग्राम जगताप हे देखील उपस्थित होते.
निवडणुकीच्या पार्श्वभूमीवर राजकीय वातावरण तापत असताना खासदार, आमदारांनी एकत्रितपणे घेतलेल्या पान आस्वादाने खईके पान बनारस वाला….. ही एकच चर्चा शहरात रंगली होती, तर सोशल मीडियावर देखील पान खातानाचे हे व्हिडिओ चांगलेच व्हायरल होत आहे.
महात्मा फुले चौकातील टीम 57 फॅमिली पान पकवान येथे खासदार विखे व आमदार जगताप यांनी नुकतीच भेट दिली असता, त्यांना पान खाण्याचा मोह आवरला नाही. टीम 57 च्या वतीने त्यांचे स्वागत करण्यात आले. यावेळी दालनाचे संचालक उद्योजक स्वप्नील पर्वते, रामशेठ पर्वते, कालिदास पर्वते, सचिन पर्वते, राज पर्वते, किरण बगळे, प्रशांत काळभोर, सचिन काळभोर, पुष्कराज सुंबे आदींसह नागरिक उपस्थित होते.
विखे यांनी टीम 57 दालनात असलेल्या पाचशेपेक्षा जास्त पानच्या प्रकाराची माहिती घेवून ते अवाक झाले. तर दुकानदाराची विचारपूस करुन त्यांनी पान खाल्लं.