राष्ट्रवादी युवकचे आगळ्यावेगळ्या पध्दतीने महाराजांना अभिवादन
शिवाजी महाराजांच्या प्रेरणेने वृक्षरोपण व संवर्धन चळवळीत योगदान देण्याची गरज -इंजि. केतन क्षीरसागर
अहमदनगर (प्रतिनिधी)- राष्ट्रवादी युवक काँग्रेसच्या वतीने छत्रपती शिवाजी महाराज यांच्या 350 व्या शिवराज्याभिषेक दिनानिमित्त नागरिकांना वृक्षरोपणासाठी 350 विविध प्रजातीच्या रोपांचे वाटप करण्यात आले. पर्यावरणाच्या संवर्धनासाठी आमदार संग्राम जगताप यांच्या मार्गदर्शनाखाली तर राष्ट्रवादी युवकचे शहर जिल्हाध्यक्ष इंजि. केतन क्षीरसागर यांच्या संकल्पनेतून आगळ्यावेगळ्या पध्दतीने शिवराज्याभिषेक दिन साजरा करण्यात आला.
गुलमोहर रोड, सावेडी येथील आमदार संग्राम यांच्या संपर्क कार्यालया समोर रोप घेण्यासाठी नागरिक उपस्थित होते. यावेळी फळ, झाडे व औषधी प्रजातीचे रोप उपलब्ध करण्यात आले होते. नागरिकांनी या उपक्रमास भेट देऊन शिवाजी महाराजांना अभिवादन करुन अंगणात रोप लावण्यासाठी घेतले. यावेळी केतन ढवण, आशुतोष पाणमाळकर, राष्ट्रवादी क्रीडा सेलचे घनश्याम सानप, अमोल बाली, मयूर भोसले, मंगेश शिंदे, ओंकार म्हसे, किरण घुले, शिवम कराळे, गौरव हरबा, निशिकांत महाजन, विज्ञासागर पेटकर, राष्ट्रवादीचे उपाध्यक्ष कुमार नवले, अ‍ॅड. रविंद्र शितोळे, अ‍ॅड. योगेश नेमाने, राहू वर्मा, सुमित कुलकर्णी, मयूर रोहाकले, मनसुख वाबळे, संदीप गवळी, किशोर थोरात, समृद्ध दळवी आदी उपस्थित होते.
इंजि. केतन क्षीरसागर म्हणाले की, जगा समोर पर्यावरणाचा प्रश्‍न गंभीर बनला आहे. वृक्षतोडीमुळे पर्यावरणाचा र्‍हास मोठ्या प्रमाणात झाल्याने दिवसेंदिवस ऋतूमानातही बदल झाल्याने त्याचे दुष्परिणाम सजीवसृष्टीला भोगावे लागत आहे. शिवाजी महाराजांनी अठरापगड जातीच्या मावळ्यांना एकत्र करुन स्वराज्य निर्माण केले. आजही त्यांची प्रेरणा घेऊन नागरिकांनी वृक्षरोपण व संवर्धन चळवळीत योगदान देण्याची गरज निर्माण झाली आहे. निसर्ग मानवाचा खरा मित्र असून, वृक्ष लागवडीने पर्यावरणाचे प्रश्‍न सुटणार असल्याचे त्यांनी सांगितले.
नागरिकांनी देखील या उपक्रमाचे कौतुक करुन घेतलेल्या रोपांची लागवड करुन त्याचे संवर्धन करण्याचा संकल्प व्यक्त केला.