सरोदे यांची राहुरी तालुकाध्यक्षपदी नियुक्ती
महत्त्वाच्या प्रश्नांना बगल देण्यासाठी राज्यात जातीयवादी मोर्चे, आंदोलने -सुशांत म्हस्के
अहमदनगर (प्रतिनिधी)- रिपब्लिकन पार्टी ऑफ इंडिया (गवई) पक्षात सामाजिक कार्यकर्ते लखन सरोदे यांनी कार्यकर्त्यांसह प्रवेश केला. आरपीआयचे शहराध्यक्ष सुशांत म्हस्के यांनी सरोदे व इतर कार्यकर्त्यांचा पक्षात स्वागत करुन त्यांचा सत्कार केला.
यावेळी आरपीआयचे शहर कार्याध्यक्ष दानिश शेख, अल्पसंख्याक जिल्हा अध्यक्ष गुलाम शेख, मार्गदर्शक संतोष पाडळे, राहुल (पप्पू) डोंगरे, वाहतूक आघाडी अध्यक्ष संदीप वाघचौरे, अल्पसंख्याक शहर जिल्हाध्यक्ष नईम शेख, ओबीसी आघाडीचे विजय शिरसाठ, जामखेड तालुका अध्यक्ष आदिल शेख, शहर उपाध्यक्ष जावेद सय्यद, हुसेन चौधरी, प्रकाश भिंगारदिवे, उमेश गायकवाड, किशोर सरोदे, किरण सरोदे, विकी सरोदे, विशाल सरोदे, दादा मोरे, विपुल सरोदे, रवी गायकवाड, सौरभ शिरसाठ, अक्षय साबळे, अविनाश आल्हाट, विशाल साबळे, रावसाहेब सरोदे, सुमित सरोदे, विकास सरोदे, विक्रम पघिरे, अमेय पघिरे आदींसह कार्यकर्ते मोठ्या संख्येने उपस्थित होते.
सुशांत म्हस्के म्हणाले की, महत्त्वाच्या प्रश्नांना बगल देण्यासाठी राज्यात जातीयवादी मोर्चे निघत आहे. सर्वसामान्यांच्या प्रश्नाऐवजी धार्मिक प्रश्न जिव्हाळ्याचे वाटू लागले आहेत. बहुजन समाजात द्वेष पसरवून राजकीय पोळी भाजण्याचे काम सुरु झाले असल्याचे त्यांनी सांगितले. तर फुले, शाहू, आंबेडकर यांच्या विचाराने रिपाई जातीयवादी प्रवृत्तींना थारा न देता सर्व समाजाला बरोबर घेऊन कार्य करत असल्याचे त्यांनी स्पष्ट केले.
सत्काराला उत्तर देताना लखन सरोदे यांनी सर्व कार्यकर्त्यांसह पक्ष वाढविण्यासाठी व विविध प्रश्न सोडविण्यासाठी कार्य केले जाणार आहे. समाजात वाढती जातीय विषमता नष्ट करण्यासाठी बहुजन समाजातील युवकांना एकत्र करण्याचे त्यांनी सांगितले.
