आदर्श वस्ताद पुरस्कार मिळाल्याबद्दल सत्कार
ग्रामपंचायतची मासिक सभा खेळीमेळीत
अहमदनगर (प्रतिनिधी)- नगर तालुक्यातील निमगाव वाघाची मासिक सभा नुकतीच पार पडली. यामध्ये ग्रामपंचायत सदस्य पै. नाना डोंगरे यांना महाराष्ट्र भूषण आदर्श वस्ताद पुरस्कार मिळाल्याबद्दल त्यांच्या अभिनंदनाचा ठराव घेण्यात आला. तर सर्व ग्रामपंचायत सदस्यांच्या वतीने त्यांचा सत्कार करण्यात आला. यावेळी उपसरपंच अलका गायकवाड, ग्रामविकास अधिकारी गोवर्धन राठोड, ग्रामपंचायत सदस्य दिपक गायकवाड, किरण जाधव, ज्ञानदेव कापसे, अरुण कापसे, अजय ठाणगे, दिपक जाधव, नवनाथ फलके, सोमा आतकर आदींसह ग्रामस्थ उपस्थित होते.
उपसरपंच अलका गायकवाड यांच्या अध्यक्षतेखाली मासिक सभा खेळीमेळीच्या वातावरणात पार पडली. यावेळी कुस्ती क्षेत्रात देत असलेल्या योगदानाने ग्रामपंचायत सदस्य पै. डोंगरे उज्वल करीत असल्याची भावना उपस्थित सदस्यांनी व्यक्त केली. सरपंच रुपाली जाधव, प्रमोद जाधव, मुन्नाबी शेख, सुजाता कापसे, उज्वला कापसे, संजय कापसे, लता फलके यांनी डोंगरे यांचे अभिनंदन केले.
सत्काराला उत्तर देताना पै. नाना डोंगरे म्हणाले की, ग्रामीण भागात कुस्तीच्या प्रचार-प्रसारासाठी कार्य सुरु आहे. नगर तालुका तालिम सेवा संघाच्या माध्यमातून अनेक उत्कृष्ट मल्ल घडविण्याचे कार्य केले. घडविलेले अनेक महिला कुस्तीपटू व युवा मल्लांनी आपले नाव उज्वल केले आहे. या कार्यासाठी ग्रामपंचायतचे देखील नेहमीच सहकार्य राहिले असल्याचे त्यांनी सांगितले.