बहुजन समाज पार्टीच्या वतीने नामकरण फलकाचे अनावरण
अहमदनगर (प्रतिनिधी)- महापालिका हद्दीतील सावेडीच्या आठरे पाटील पब्लिक स्कूल, जुने वडगाव गुप्ता रोडलगत असलेल्या परिसराला बहुजन समाज पार्टीच्या वतीने भिंगारदिवे नगर नाव देण्यात आले. नुकतेच या नामकरण फलकाचे अनावरण भ्रष्टाचारविरोधी जन आंदोलनचे भगवान जगताप यांच्या हस्ते तर योद्धा ग्रुपचे संस्थापक गजानन कराळे, बहुजन समाज पार्टीचे शहराध्यक्ष संतोष जाधव, शहर सचिव राजू गुजर, सामाजिक कार्यकर्ते वैभव जाधव यांच्या प्रमुख उपस्थितीत झाले.
यावेळी शहर महासचिव नंदू भिंगारदिवे, कोषाध्यक्ष दीपक पवार, सुरेश चाबुकस्वार, साहेबराव पवार, आकाश पवार, नितीन चाबुकस्वार, नेमाने काका, रामा भिंगारदिवे, प्रशांत भिंगारदिवे, रिना भिंगारदिवे, यशराज भिंगारदिवे, विराज भिंगारदिवे, दादा भिंगारदिवे, हिराबाई पवार, फकिरा पवार, आशा पवार, मेघा पवार, वरुण भिंगारदिवे, रवी निकाळजे, राजू भिंगारदिवे, शंकर बारस्कर, विनोद भिंगारदिवे आदी उपस्थित होते.
भगवान जगताप म्हणाले की, पूर्वजांच्या आठवणी आणि सावेडी गावाचे गावपण जपण्यासाठी बहुजन समाज पार्टीने घेतलेला पुढाकार कौतुकास्पद असल्याचे सांगितले. शहराध्यक्ष संतोष जाधव यांनी या परिसरातील नागरिकांना सुविधा पुरविण्यासाठी सातत्याने पाठपुरावा राहणार आहे. पार्टीच्या विस्तारासाठी शहरात 100 पेक्षा अधिक प्रभाग शाखा सुरू करण्याचा मानसही त्यांनी व्यक्त केला. तर महानगरपालिकेवर बहुजनांची सत्ता स्थापन करण्यासाठी बहुजन समाज पार्टीला सहकार्य करण्याचे आवाहन केले.
जुना सर्व्हे नं. 229 ची जमीन ही पुना भिंगारदिवे यांच्या नावे सन 1930 पासून होती. त्यानंतर सटवा भिंगारदिवे त्यांची मुले तसेच भिंगारदिवे कुटुंबीयांच्या नावाने आहेत. 1930 पासून आजपर्यंत भिंगारदिवे कुटुंबीय या परिसरात राहत आहे. सदरील सर्व्हे नंबर हा भिंगारदिवे यांच्या मालकीचा होता. भिंगारदिवे यांच्या आठवण म्हणून या परिसराला त्यांचे नाव देण्याची मोठ्या संख्येने स्थानिक नागरिकांची मागणी आहे.
याबाबत स्थानिक नागरिकांच्या वतीने बहुजन समाज पार्टीने पुढाकार घेऊन महापालिकेकडे सदर परिसराला भिंगारदिवे नगर नाव देण्याची मागणी करण्यात आली होती. मोठ्या प्रमाणात स्थानिक नागरिकांचे स्वाक्षर्‍या असलेले निवेदन आयुक्तांना देण्यात आले होते. यावर कारवाई होईपर्यंत स्थानिक नागरिक व बहुजन समाज पार्टीने या परिसराचे भिंगारदिवे नगर नामकरण केले आहे. तर त्वरीत महापालिकेच्या सभेत ठराव घेऊन सदर परिसराला अधिकृतपणे भिंगारदिवे नगर नाव देण्याची मागणी करण्यात आली आहे.