अध्यक्षपदी धनंजय भंडारे, सचिवपदी दिलीप कुलकर्णी तर खजिनदारपदी नितीन मुनोत यांची नियुक्ती
अहमदनगर (प्रतिनिधी)- सामाजिक कामात कार्यात योगदान देऊन वंचित, दुर्बल घटकांना मदतीचा हात देणार्‍या लायन्स क्लब ऑफ अहमदनगरची वर्ष 2023-24 ची नूतन कार्यकारणी नुकतीच जाहीर करण्यात आली. लायन्स क्लब ऑफ अहमदनगरच्या अध्यक्षपदी धनंजय भंडारे यांची तर सचिवपदी दिलीप कुलकर्णी व खजिनदारपदी नितीन मुनोत यांची सर्वानुमते नियुक्ती करण्यात आली.
लायन्स क्लब ही जागतिक दर्जाची असलेली सेवाभावी संस्था आहे. क्लबचे 210 देशामध्ये 15 लाख सभासदांच्या माध्यामातून सामाजिक कार्य सुरु आहे. लायन्स क्लब ऑफ अहमदनगरच्या वतीने शहरात विविध सामाजिक उपक्रम राबवून वंचित घटकांना मुख्य प्रवाहात आणण्यासाठी विविध उपक्रम राबवले जातात. कोरोना काळात क्लबने घर घर लंगर सेवेच्या माध्यामातून मोठे कार्य केले, तसेच मागील वर्षी कन्यादान व गरजू मुलींसाठी सायकल वाटप आदी उपक्रम राबविले. या उपक्रमाची दखल इंटरनॅशनल लायन्सने घेऊन क्लबला अ‍ॅवॉर्डने देखील सन्मान केला आहे. दरवर्षा प्रमाणे जूनमध्ये नवीन कार्यकारणी जाहिर करण्यात आली असून, क्लबच्या माध्यमातून सामाजिक उद्दीष्ट समोर ठेऊन वर्षभर कार्य केले जाणार असल्याची माहिती नूतन अध्यक्ष धनंजय भंडारे यांनी दिली.
नूतन अध्यक्ष धनंजय भंडारे हे लायन्सचे ज्येष्ठ सदस्य असून, त्यांनी क्लबचे विविध पदे भूषवले आहे. ते अहमदनगर जिल्हा सहकारी बँक एम्पॉइज युनियनचे कार्यकारी अध्यक्ष म्हणून देखील काम पाहत आहे. शहरात विविध सामाजिक कार्यात त्यांचा सक्रीय सहभाग असतो. त्यांनी 82 वेळा रेक्तदान केले असून, रक्तदान चळवळीत सक्रीय योगदान देत आहे.
सचिव दिलीप कुलकर्णी विमा सल्लागार असून, रस्ते वाहतुक सुरक्षा कार्याक्रमात त्यांचा सातत्याने सहभाग असतो. ते देखील लायन्सचे ज्येष्ठ सदस्य असून, त्यांचे सातत्याने सामाजिक कार्य सुरु आहे. तर खजिनदार नितीन मुनोत यांची एमआयडीसी येथे कंपनी असून, ते उद्योजक आहेत. त्यांचे सामाजिक कार्यात योगदान असते. या नवनिर्वाचित पदाधिकार्‍यांचे सर्वत्र अभिनंदन होत आहे.