गुरुवारी केडगाव येथे मोफत नेत्र तपासणी व मोतिबिंदू शस्त्रक्रिया शिबिराचे आयोजन

तर आमदार शिवाजी कर्डिले व आमदार संग्राम जगताप यांचा होणार नागरी सत्कार

श्री कुंदनलाल तिलकचंद वासन चॅरिटेबल ट्रस्टचा पुढाकार

नगर (प्रतिनिधी)- श्री कुंदनलाल तिलकचंद वासन चॅरिटेबल ट्रस्ट व आनंदऋषीजी नेत्रालय यांच्या वतीने गुरुवारी (दि.16 जानेवारी) रोजी केडगाव एमआयडीसी येथील वासन टोयोटा शोरुम येथे मोफत नेत्र तपासणी व मोतिबिंदू शस्त्रक्रिया शिबिराचे आयोजन करण्यात आले आहे. दृष्टीदोष असलेल्या गरजूंसाठी मागील 17 वर्षांपासून वासन उद्योग समूहाचे चेअरमन विजयजी वासन यांच्या मार्गदर्शनाखाली गरजूंसाठी या शिबिराचे आयोजन केले जात आहे. या शिबिराचा लाभ घेण्याचे आवाहन विजय वासन, तरुण वासन व जनक आहुजा यांनी केले आहे.

तसेच या शिबिरात विधानसभा निवडणुकीत मताधिक्याने निवडून आल्याबद्दल आमदार शिवाजी कर्डिले व आमदार संग्राम जगताप यांचा नागरी सत्कार केला जाणार आहे. मा.आ. अरुणकाका जगताप यांच्या अध्यक्षतेखाली हा कार्यक्रम पार पडणार आहे. सकाळी 10 ते सायंकाळी 4 वाजेपर्यंत रुग्णांची तपासणी आनंदऋषीजी नेत्रालय हॉस्पिटलचे तज्ञ डॉक्टर मंडळी करणार आहेत.तर मोतीबिंदू असलेल्या रुग्णांना तपासणीनंतर शस्त्रक्रिया केली जाणार आहे. टाक्याचे ऑपरेशन व बिन टाक्याचे ऑपरेशन अल्पदरात केले जाणार आहे. तर शिबीरार्थींना नंबरचे चष्मे देखील कार्यक्रम स्थळी अल्पदरात उपलब्ध करुन देण्यात येणार असल्याची माहिती अनिश आहुजा यांनी दिली.

शिबिरार्थींना येताना रेशन कार्ड, मतदान ओळखपत्र व आधारकार्डची झेरॉक्स आणने आवश्‍यक आहे. नांव नोंदणीसाठी जालिंदर बोरुडे 9881810333 व वासन टोयोटा 9604038234 यांच्या नंबरवर संपर्क साधण्याचे सांगण्यात आले आहे. या शिबिरासाठी घर घर लंगर सेवेच्या सेवादारांचे सहकार्य लाभत आहे.