अध्यक्षपदी डॉ. अनघा पारगावकर, सचिवपदी डॉ. सिमरन वधवा तर खजिनदारपदी अंजली कुलकर्णी यांची नियुक्ती
वाजिद शेख अहमदनगर (प्रतिनिधी)- सामाजिक कामात कार्यात योगदान देऊन वंचित, दुर्बल घटकांना मदतीचा हात देणाऱ्या लायन्स क्लब ऑफ अहमदनगरची वर्ष 2024-25 ची नूतन कार्यकारणी नुकतीच जाहीर करण्यात आली. लायन्स क्लब ऑफ अहमदनगरच्या अध्यक्षपदी डॉ. अनघा पारगावकर यांची तर सचिवपदी डॉ. सिमरन वधवा व खजिनदारपदी अंजली कुलकर्णी यांची सर्वानुमते नियुक्ती करण्यात आली.
लायन्स क्लब ही जागतिक दर्जाची असलेली सेवाभावी संस्था आहे. क्लबचे 210 देशामध्ये 15 लाख सभासदांच्या माध्यामातून सामाजिक कार्य सुरु आहे. लायन्स क्लब ऑफ अहमदनगरच्या वतीने शहरात विविध सामाजिक उपक्रम राबवून वंचित घटकांना मुख्य प्रवाहात आणण्यासाठी विविध उपक्रम राबवले जातात. कोरोना काळात क्लबने घर घर लंगर सेवेच्या माध्यामातून मोठे कार्य केले, तसेच मागील वर्षी कन्यादान व गरजू मुला-मुलींसाठी सायकल वाटप आदी उपक्रम राबविले. या उपक्रमाची दखल इंटरनॅशनल लायन्सने घेऊन क्लबला ॲवॉर्डने देखील सन्मान केला आहे. दरवर्षा प्रमाणे जूनमध्ये नवीन कार्यकारणी जाहिर करण्यात आली असून, क्लबच्या माध्यमातून सामाजिक उद्दीष्ट समोर ठेऊन वर्षभर कार्य केले जाणार असल्याची माहिती नूतन अध्यक्ष यांनी दिली.
नूतन अध्यक्षा डॉ. अनघा पारगावकर एमबीबीएस आणि एमडी (ओबीएस आणि जीवायएन) डॉक्टर असून, ते सामाजिक कार्यात सक्रीय आहेत. मोफत शिबिराच्या माध्यमातून त्या गरजूंना आरोग्य सेवा देत आहे. त्यांनी यापूर्वी देखील लायन्स क्लबचे विविध पदे भूषवले आहे.
सचिव डॉ. सिमरन वधवा या देखील डॉक्टर असून, महिलांच्या आरोग्यासाठी विशेष उपक्रम राबवित आहे. मोफत आरोग्य शिबिर, महिलांना आरोग्या संबंधी मार्गदर्शन करुन निरोगी आरोग्याची चळवळ त्या चालवित आहेत. कोरोना काळातही त्यांनी घर घर लंगर सेवेच्या माध्यमातून मोठे योगदान दिले. अनेक वर्षांपासून त्या लायन्स क्लबच्या सामाजिक कार्यात योगदान देत असून, त्यांनी यापूर्वी अध्यक्षपदाची सूत्रे देखील सांभाळली आहे.
सचिव अंजली कुलकर्णी या योग शिक्षिका असून, त्या देखील सामाजिक कार्यात योगदान देत आहेत. महिलांच्या आरोग्यासाठी त्या सातत्याने योग शिबिर घेऊन त्यांना मार्गदर्शन करत असतात. या नवनिर्वाचित पदाधिकाऱ्यांचे सर्वत्र अभिनंदन होत आहे.