• Mon. Dec 1st, 2025

बाबुर्डी घुमटला आजी-माजी सैनिकांचा सन्मान

ByMirror

Aug 18, 2023

देशभक्तीचा संदेश देणाऱ्या कोनशीलेचे अनवारण

आजी-माजी सैनिक गावाचे भूषण -उपसरपंच तान्हाजी परभाने

अहमदनगर (प्रतिनिधी)- बाबुर्डी घुमट (ता. नगर) येथे स्वातंत्र्य दिनानिमित्त गावातील आजी-माजी सैनिकांचा सन्मान करण्यात आला. पर्यावरण संवर्धनाचा संदेश देत महारुक्ष लागवड करुन, देशभक्तीचा संदेश देणाऱ्या कोनशीलेचे अनवारण करण्यात आले. भारत माता की जय…, वंदे मातरम… च्या घोषणांनी परिसर दणाणून निघाला.


सकाळी गावात ग्रामपंचायत कार्यालय, विविध कार्यकारी सोसायटी व जिल्हा परिषद प्राथमिक शाळेत ध्वजारोहण करण्यात आले. बन्सी परभाने यांच्या अध्यक्षतेखाली झालेल्या आजी-माजी सैनिकांच्या सन्मान सोहळ्यात देश सेवेसाठी 95 व सेवानिवृत्त 43 सैनिकांचा सत्कार करण्यात आला. यावेळी सरपंच नमिता राहुल पंचमुख, उपसरपंच तान्हाजी परभाने, ग्रामपंचायत सदस्य पवन लांडगे, ज्योती परभाने, वंदना चव्हाण, शहाबाई मुंजाळ, विविध कार्यकारी सेवा सोसायटीचे चेअरमन बाळासाहेब परभाने, व्हाईस चेअरमन रामदास माने, ग्रामसेविकानीलिमा बनकर, गोविंद परभाने, बबन फसले, निलेश परभाने, संजय गुंड, संजय परभाने, भाऊसाहेब लांडगे, महादेव गवळी, बाबा भगत, विनोद पंचमुख, रामलाल मोरे, प्रकाश भगत, खोसपुरी योजनेचे संचालक शरद भगत, अंकुश परभाने, महेश परभाने, प्रवीण परभाने, पिराजी परभाने, अर्जुन परभाने, शालेय समितीचे अध्यक्ष संदीप परभाने, उपाध्यक्ष सचिन भगत आदींसह ग्रामस्थ उपस्थित होते.


उपसरपंच तान्हाजी परभाने म्हणाले की, गावातील अनेक सुपुत्र सैन्यात देश रक्षणाचे कार्य करत आहे. सर्व आजी-माजी सैनिक गावाचे भूषण आहे. देशासाठी त्याग व समर्पण भावनेने सेवा करणाऱ्या आजी-माजी सैनिकांचे ऋण न फेडता येणारे आहे. तर देशाच्या रक्षणासाठी प्राणाची बाजी लावून अनेकांनी वीर मरण पत्कारले आहे. त्यांच्या कार्यातून देशसेवेची स्फुर्ती घेण्याचे त्यांनी आवाहन केले.

Leave a Reply

Your email address will not be published. Required fields are marked *