• Sat. Nov 29th, 2025

शालेय विभागीय कुराश स्पर्धेत आरुषी लांडगे ने पटकाविले सुर्वण पदक

ByMirror

Nov 27, 2025

राज्यस्तरीय कुराश स्पर्धेसाठी निवड


स्व. पै. छबूराव लांडगे (रानबोके) यांच्या चौथ्या पिढीचे क्रीडा क्षेत्रात यश

अहिल्यानगर (प्रतिनिधी)- जिल्हा क्रीडा अधिकारी कार्यालय, पुणे यांच्या वतीने आयोजित करण्यात आलेल्या शालेय विभागीय कुराश स्पर्धेत स्व. पै. छबूराव लांडगे (रानबोके) यांची पणतार्इ आरुषी सागर लांडगे हिने सुर्वण पदक पटकाविले. त्याची राज्यस्तरीय कुराश स्पर्धेत निवड झाली आहे.


ही विभागीय स्पर्धा वाडियापार्क क्रीडा संकुल येथे झाली. यामध्ये आरुषी लांडगे हिने उत्कृष्ट खेळाचे प्रदर्शन आपल्या खेळाचा ठसा उमटवला. लांडगे परिवाराला या आधीपासून कुस्ती खेळाचा इतिहास राहिला आहे. स्व. पै. छबूराव लांडगे (रानबोके) हे संपूर्ण महाराष्ट्रासह भारतामध्ये दख्खन का काला चित्ता, अशी ओखळ निर्माण केली होती. आता त्यांच्या पाऊलावर पाऊल ठेवून त्यांची चौथी पिढीतील पणतार्इ आरुषी क्रीडा क्षेत्रात आपला ठसा उमटवीत आहे. ती रुपीबाई मोतीलालजी बोरा न्यू इंग्लिश स्कूलची विद्यार्थिनी आहे.


राज्यस्तरीय कुराश स्पर्धा इंदापूर येथे होणार आहे. आरुषी हिने मिळवलेल्या यशाबद्दल सर्वत्र अभिनंदन होत असून, राज्य स्पर्धेसाठी तिच्या कडून मोठ्या आपेक्षा आहेत.

Leave a Reply

Your email address will not be published. Required fields are marked *