शालेय विद्यार्थ्यांचा उदंड प्रतिसाद
चित्रातून विद्यार्थ्यांनी दिला शांतता व स्वच्छतेचा संदेश
अहमदनगर (प्रतिनिधी)- विद्यार्थ्यांच्या कलागुणांना वाव देण्यासाठी शहरात कलर्स ऑफ प्राईड या चित्रकला स्पर्धा रंगली होती. या चित्रकला स्पर्धेस शहरातील विद्यार्थ्यांचा उदंड प्रतिसाद लाभला. बाळगोपालांनी आपल्या कल्पना शक्तीने कागदावर रंगांची उधळण करीत, स्वच्छ भारताचे दर्शन घडवून जागतिक शांततेचा चित्रातून संदेश दिला. लायन्स क्लब ऑफ अहमदनगर प्राईड, लायन्स आणि लिओ क्लब ऑफ अहमदनगर यांच्या संयुक्त विद्यमाने या स्पर्धेचे आयोजन करण्यात आले होते.
भाऊसाहेब फिरोदिया हायस्कूल येथील मोनेकला मंदिरात चित्रकला स्पर्धेत विविध वयोगटातील तब्बल आठशे विद्यार्थ्यांनी सहभाग नोंदवला. क्लबचे अध्यक्ष अभिजीत भळगट, अध्यक्षा डॉ. सिमरनकौर वधवा, हरमनकौर वधवा, झोन चेअरमन आनंद बोरा यांच्या प्रमुख उपस्थितीत या स्पर्धेचे प्रारंभ झाले. धनंजय भंडारे, रवी तुमनपेल्ली, रोहित बोरा, कैलाश नवलानी, डॉ. रोहित धूत, करण धुप्पड, अपूर्वा गुजराती, दिनेश फिरोदिया, हरजीतसिंह वधवा, अरविंद पारगावकर, नितीन मुनोत, प्रशांत मुनोत, प्रीती शाह, धारवी पटेल, सूची कोठारी, गुरनूर वधवा, खुशबू बजाज, अश्मित पालवे, प्रीत कंत्रोड, दिशा तलवार आदी लायन्सचे सदस्य मोठ्या संख्येने उपस्थित होते.
विद्यार्थ्यांच्या कला-गुणांना वाव देण्यासाठी दरवर्षी लायन्स प्राईडच्या वतीने या चित्रकला स्पर्धेचे आयोजन केले जाते. ही स्पर्धा तीन गटात घेण्यात आली. पहिला गट वय वर्षे 4 ते 7, दुसरा गट वय वर्षे 8 ते 11 व तीसरा गट वय वर्षे 12 ते 15 असा होता. त्यांना अनुक्रमे रंगसंगती, स्वच्छ भारत आणि जागतिक शांतता हे विषय देण्यात आले होते.
स्पर्धेतील प्रथम विजेत्यास सायकलचे बक्षिस देण्यात येणार असून, इतर विजेत्यांसाठी विविध आकर्षक बक्षिसे ठेवण्यात आलेली आहेत. या स्पर्धेच्या बक्षिसांसाठी मुख्य प्रायोजक मालपाणी ग्रुप असून, श्री साई ज्वेलर्स, यूएफओ फ्राईस अ‍ॅण्ड कॉर्न, हमसफर हॉलिडेज, इझी वायपर, नवनीत प्रकाशनचे अनिल मेहेर यांचे यांचे सहकार्य लाभले आहे. स्पर्धेसाठी शाळा उपलब्ध करुन दिल्याबद्दल क्लबच्या वतीने संस्थेच्या प्रमुख कार्यवाह छायाताई फिरोदिया यांचे विशेष आभार मानण्यात आले. स्पर्धा यशस्वी होण्यासाठी सुनिल साठे, प्रविण गुलाटी, आनंद बोरा, अनिल मेहेर, सनी वधवा, प्रणिता भंडारी, अणाया बोरा, प्रिया मूनोत, प्रिशा बजाज, रिध्दी धुप्पड, सुनील छाजेड, आंचाल कंत्रोड यांच्यासह सर्व क्लबच्या सदस्यांनी परिश्रम घेतले.
