शिक्षण क्षेत्रात उल्लेखनीय योगदान देणार्यांना हीलिंग लाइट अवॉडर्सने सन्मान
तणावमुक्त शिक्षण पद्धती काळाची गरज -नरेंद्र फिरोदिया
अहमदनगर (प्रतिनिधी)- विद्यार्थ्यांच्या रंगलेल्या विविध स्पर्धा, बहारदार सांस्कृतिक कार्यक्रमाचा नजराणा तर शिक्षण क्षेत्रात निस्वार्थ भावनेने उल्लेखनीय योगदान देणार्यांना हीलिंग लाइट अवॉडर्सने सन्मानित करुन किड्स फेस्टिव्हलचा समारोप झाला. लहान मुलांच्या कला-गुणांना वाव देण्यासाठी नन्हा ज्ञान फाऊंडेशन (पुणे) व द आयकॉन पब्लिक स्कूल यांच्या वतीने दोन दिवसीय किड्स फेस्टिव्हलचे आयोजन करण्यात आले होते.

उद्योजक नरेंद्र फिरोदिया यांच्या अध्यक्षतेखाली झालेल्या या कार्यक्रमाप्रसंगी आयकॉन स्कूलचे फाऊंडर चेअरमन अशोक मुथा, कर्नल आर.सी. राणा, अमित मुथा, निर्मल मुथा, नन्हा ज्ञान फाऊंडेशनच्या संस्थापिका रोमल सुराणा, प्रीतिज पाठशाळाच्या प्रिती मुथीयान, शैलेजा लड्डा, आराधना राणा, प्रन्सिपल दिपिका नगरवाला, अमृतलाल मुथियान, समीर बोरा, सुमंगला मुनोत, अभय लुणिया, स्नेहल झांबरे, सचिन डुंगरवाल, मधुबाला चोरडीया, वैशाली चोपडा आदी उपस्थित होते.


प्रास्ताविकात रोमल सुराणा यांनी विद्यार्थ्यांच्या सर्वांगीण विकासासाठी नन्हा ज्ञान फाउंडेशन विविध उपक्रम राबवित आहे. विद्यार्थ्यांच्या मानसिक, शारीरिक व बौद्धिक विकास साधण्याच्या कार्यासाठी विविध उपक्रम राबविण्यात येत आहे. तर सक्षम भावी पिढी घडविणार्या शिक्षण क्षेत्रातील व्यक्तींना हीलिंग लाइट अवॉडर्सने सन्मानित करण्यात आले असल्याचे त्यांनी सांगितले.


उद्योजक नरेंद्र फिरोदिया म्हणाले की, उज्वल भवितव्यासाठी विद्यार्थ्यांच्या मानसिक आरोग्यावर कार्य महत्त्वाचे ठरणार आहे. लहानपणापासूनच विद्यार्थ्यांचे जीवन तणावपूर्ण बनले आहे. तणावमुक्त शिक्षण पद्धती ही काळाची गरज असून, विद्यार्थी तणावमुक्त झाल्यास त्यांच्या कलागुणांना वाव मिळून त्यांच्यातील कलागुण विकसीत होणार असल्याचे त्यांनी सांगितले. तर आपल्या कार्याने भावी पिढी घडविण्यासाठी योगदान देत असलेल्या हीलिंग लाइट अवॉडर्स विजेत्यांचे विशेष अभिनंदन केले.
रेल्वे स्टेशन रोड येथील आयकॉन पब्लिक स्कूलमध्ये झालेल्या किड्स फेस्टिव्हल मध्ये चित्रकला, वक्तृत्व, कविता वाचन, कथा-कथन, हास्य व्यंग कविता, शास्त्रीय नृत्य स्पर्धा, फॅन्सी ड्रेस स्पर्धा आदी विविध स्पर्धा रंगल्या होत्या. मुला-मुलींनी विविध गाण्यांवर नृत्याचे बहारदार सादरीकरण केले. विद्यार्थ्यांनी सादर केलेल्या कार्यक्रमास उपस्थितांनी टाळ्यांच्या कडकडाटात दाद दिली. झालेल्या विविध स्पर्धेतील विजेत्यांना प्रमुख पाहुण्यांच्या हस्ते बक्षिसं देण्यात आली.


हीलिंग लाइट अवॉडर्सने विनम्रता भाटिया, गगन बग्गा, सारिका आनंद, अशोक सचदेव, डॉ. पूर्णिमा कुलकर्णी, प्रिती दाबाडे, कवलीन भसीन, मधुर मधु देसाई, संतोष साबळे, सुजाता अजय सभान, ममता वाघमारे, भारत रमेश पवार, मानसी भागवत, आरती लढ्ढा, चेतन दळवी, डॉ. हेमा सुराणा, गीता परब, अश्विनी पानसरे, संजय पाटील, सुसान सनी अब्राहम, संदिप कुसाळकर, कौशल खेमाणी, दिव्यांश्री मुनोत, मंजू कायरा, स्वाती राठी, मोनिका भोजकर, डॉ. मीरा एस. कुलकर्णी, मनीषा गुगळे, विवेक नानिवडेकर यांना गौरविण्यात आले. तर ग्रोथ आयकॉन अवॉर्ड्सने आराधना राणा, प्रिती मुथियान, जागृती ओबेरॉय, डॉ. प्रचेतन पोतदार, दत्तात्रेय परळकर, अबोली रुईकर, शिवम पंजाबी, शैलेजा लड्ढा, चेतन मुथियान यांना सन्मानित करण्यात आले.

या किड्स फेस्टिव्हलचा विद्यार्थ्यांनी मनमुराद आनंद लुटून आपल्या कलागुणांचे सादरीकरण केले. या किड्स फेस्टिव्हलला शांतीकुमारजी फिरोदिया मेमोरियल फाऊंडेशनचे मुख्य प्रायोजक लाभले असून, आकाश आणि बायजू हे सहयोगी भागीदार आहेत.
तर प्रीतिज पाठशाळा आणि टॉट्स टू टीन्स समुपदेशन फर्मचे या कार्यक्रमास सहकार्य लाभले आहे. या कार्यक्रमासाठी विविध शाळेचे प्रन्सिपल, शिक्षक, शालेय प्रतिनिधी व स्कूलचे संचालक उपस्थित होते.

