गुरुनानकांच्या जयघोषाने दुमदुमले परिसर
आहुजा परिवाराच्या वतीने प्रभात फेरीतील भाविकांचे स्वागत
अहमदनगर (प्रतिनिधी)- बोले सो निहाल, सत श्री अकाल… चा जयघोष, अखंडपाठ, किर्तन व प्रवचनांच्या भक्तीमय वातावरणात शहरातील विविध गुरुद्वारा येथे गुरुनानक देवजी यांची 553 वी जयंती म्हणजेच गुरुपुरब उत्साहात साजरा करण्यात आला. मंगळवारी (दि.8 नोव्हेंबर) सकाळी तारकपूर येथील भाईकुंदनलालजी गुरुद्वारा, अहमदनगर शीख, पंजाबी व सिंधी समाजाच्या वतीने पारंपारिक वाद्यासह प्रभातफेरी काढण्यात आली होती. यामध्ये समाजबांधव व महिलांनी मोठ्या संख्येने सहभागी होऊन गुरुनानक देवजी यांचा जयघोष केला.

या प्रभातफेरीचे टॉपअप पेट्रोल पंम्प येथे जनक आहुजा परिवाराच्या वतीने जंगी स्वागत करण्यात आले. फेरीमध्ये वाहनावर असलेल्या गुरुग्रंथ साहिबावर फुलांचा वर्षाव करण्यात आला. तर गुरुनानक देवजी यांच्या प्रतिमेस पुष्पहार अर्पण करुन अभिवादन करण्यात आले. यावेळी उपस्थित भाविकांनी सामुदायिक अरदास (प्रार्थना) करुन सुख, समृध्दी व शांततेसाठी प्रार्थना केली.

जनक आहुजा, हरजितसिंह वधवा, प्रीतपालसिंह धुप्पड, राजेंद्र कंत्रोड, माजी नगरसेवक अजिंक्य बोरकर, नगरसेवक अमोल गाडे, इंद्रजीत नय्यर, जतीन आहुजा, अभिमन्यू नय्यर, अनिश आहुजा, भारत पेट्रोलियमचे टेरीटोरी कॉर्डिनेटर किर्तीकुमार सिंधानी, सेल्स ऑफिसर अमितकुमार राय, मनमोहन मलिक, विमल दिवान, ब्रिजमोहन कंत्रोड, बबलू आहुजा, विकी कंत्रोड, जितू चोपडा, मनोज मदान, कैलाश नवलानी, सुनिल छाजेड, प्रशांत मुनोत, जय रंगलानी, राहुल बजाज, दिनेश छाबरीया, राजेश कुकरेजा, मन्नू कुकरेजा, रोहित बत्रा, गौरव कंत्रोड, सौरभ आहुजा, पियुष कंत्रोड, प्रविण आहुजा, विजय आहुजा, कुनाल चोपडा, बलजितसिंह बिलरा, करनसिंह धुप्पड, दामोदर माखिजा, लोकेश मेहतानी, पप्पू भुतकर, किशोर सुरपुरिया, टोनी कुकरेजा, सौरभ पोखर्णा, कैलाश ललवानी, महेश बिहानी, सतीश गंभीर, राजबीरसिंह संधू आदींसह घर घर लंगर सेवा व जी.एन.डी. ग्रुपचे सदस्य उपस्थित होते.
गुरुनानक जयंती निमित्त मागील सात दिवसापासून शहरातील व तारकपूर येथील गुरुद्वार्यात विविध धार्मिक कार्यक्रमाचे आयोजन करण्यात आले होते. यावेळी कीर्तन-प्रवचन, अखंडपाठ, सांस्कृतिक कार्यक्रमासह लंगरचा भाविकांनी लाभ घेतला. कीर्तन प्रवचनाच्या माध्यमातून गुरूनानक देवजी यांचे संदेश व विचार समाज बांधवांना सांगण्यात आले.

