• Sat. Nov 29th, 2025

श्री क्षेत्र वाल्मिकी धाम पीठाधीश्‍वर तथा सांसद बालयोगी उमेशनाथजी महाराजांचे शहरात स्वागत

ByMirror

Nov 9, 2024

मेहेतर वाल्मिक समाज व सर्व राजकीय पक्षांच्या वतीने त्यांचा सत्कार

नगर (प्रतिनिधी)- शहरात श्री क्षेत्र वाल्मिकी धाम पीठाधीश्‍वर तथा उज्जैन राज्यसभेचे सांसद बालयोगी उमेशनाथजी महाराज यांचे जल्लोषात स्वागत करण्यात आले. लालटाकी येथील गोगादेव मंदिर परिसरात त्यांच्यावर फुलांचा वर्षाव करण्यात आला. मेहेतर वाल्मिक समाज व सर्व राजकीय पक्षांच्या वतीने त्यांचा सत्कार करण्यात आला.
उमेशनाथजी महाराज यांच्या हस्ते गोगादेव मंदिरात आरती करण्यात आली. तर खाकीदास बाबा मठ येथे झालेल्या कार्यक्रमात मेहेतर वाल्मिक समाज पंचचे अध्यक्ष दिपक बाबू चव्हाण, सदस्य विजय छजलाणी, प्रदीप चव्हाण, बाबूराव वाणे, ॲड. अभिजीत पुप्पाल यांनी उमेशनाथजी महाराज यांचा सत्कार करण्यात आला. खासदार निलेश लंके व अभिषेक कळमकर यांनी उमेशनाथजी महाराज यांचे दर्शन घेऊन त्यांचा सत्कार केला. यावेळी काँग्रेसचे ज्येष्ठ नेते दीप चव्हाण, भाजप शहर जिल्हाध्यक्ष अभय आगरकर, सुरेखा विद्ये, माजी नगरसेवक संजय घुले, ज्येष्ठ नेते दादाभाऊ कळमकर, भैय्या गंधे, सचिन पारखी, संभाजी कदम, बाळासाहेब बोराटे, बाबासाहेब सानप, बाबासाहेब वाकळे, सीए राजेंद्र काळे, राजेंद्र गांधी, संजय चोपडा, ब्रिजलाल सारडा आदींसह विविध क्षेत्रातील मान्यवर उपस्थित होते.


भिंगार येथील भगवान वीर गोगादेव मंदिरसाठी छावणी परिषदेची जागा समाजाला 99 वर्षाच्या करारावर मिळावी, यासाठी केंद्र शासनाकडे प्रयत्न करुन ती जागा समाजाला मिळवून देण्याच्या मागणीचे व मेहेतर वाल्मिक समाजाच्या विविध प्रश्‍नांचे निवेदन उमेशनाथजी महाराज यांना भिंगारचे सुमित नकवाल, सोनू गोहेर, धुलिया यांनी दिले.


बालयोगी उमेशनाथजी महाराज यांनी उपस्थित भाविकांशी संवाद साधताना म्हणाले की, अध्यात्मातून समाजाला दिशा देताना राजकारणातून समाजाची सेवा करण्याची संधी मिळाली आहे. निस्वार्थ भावनेने समाजकार्य सुरु आहे. प्रत्येक मनुष्यापुढे संकटे उभे असतात, मात्र जो व्यक्ती त्यावर मात करण्याची धडपड करतात ईश्‍वर त्यांना त्या संकटातून बाहेर काढण्यास मदत करत असल्याचे त्यांनी सांगितले. तर माणुसकी व भाईचाराचा संदेश देऊन समाजाच्या विकासासाठी एकत्र येण्याचे आवाहन केले. कार्यक्रमाचे सूत्रसंचालन संजय चव्हाण यांनी केले. आभार भाजपचे मागासवर्गीय सेलचे अध्यक्ष नरेश चव्हाण यांनी मानले.

Leave a Reply

Your email address will not be published. Required fields are marked *