शिवसेनेचे संपर्कप्रमुख सचिन जाधव यांच्या पाठपुराव्याला यश
शहरातील त्या झोपडपट्ट्यांच्या जागेच्या बदल्यात राज्य सरकार लष्कराला दुसऱ्या ठिकाणी जागा देणार
अहमदनगर (प्रतिनिधी)- अहमदनगर शहरातील छावणी परिषद या जागेवर वसलेल्या रामवाडी, कोठला, गोकुळवाडी, कॅम्प कौलारू या झोपडपट्ट्यांच्या जागेच्या बदल्यात राज्य सरकार लष्कराला दुसऱ्या ठिकाणी जागा देऊन या झोपडपट्ट्यांची जागा राज्य शासनाला लष्कराकडून मिळेल, यासाठी महसूल मंत्री राधाकृष्ण विखे यांचे सहकार्य मिळाल्याने या भागाचा थांबलला पायाभूत विकास राज्यशासन मार्फत व महानगरपालिके मार्फत होणार आहे. तर या झोपडपट्टीत अनेक वर्षापासून राहत असलेल्या नागरिकांच्या नावावर जमीन होण्याचा मार्ग मोकळा होणार आहे. शिवसेनेचे संपर्कप्रमुख (दक्षिण) सचिन जाधव यांनी खासदार डॉ. सुजय विखे पाटील यांच्या माध्यमातून संरक्षण मंत्री राजनाथ सिंह, मुख्यमंत्री एकनाथ शिंदे, पालकमंत्री राधाकृष्ण विखे यांच्याकडे पाठपुरावा केला होता. त्यांच्या पाठपुराव्याला यश आले असून, त्या दृष्टीने प्रशासकीय पातळीवर कार्यवाही सुरु झाली आहे.
लष्करी हद्द व अहमदनगर जिल्ह्यातील विविध प्रश्‍नाबाबत केंद्रीय संरक्षण सचिव गिरीधर अरमाने यांच्यासह संरक्षण विभागाचे आणि छावणी परिषद कॅन्टोन्मेंट बोर्डाच्या वरीष्ठ अधिकाऱ्यां समवेत बैठक पार पडली. खा.डॉ सुजय विखे पाटील यांनी बैठकीत के.के.रेंजचा प्रश्‍न प्राधान्याने मांडून शेतकऱ्यांच्या जमीनीचे अधिग्रहण करण्यास राज्य सरकारच्या महसूल विभागाने असमर्थता दर्शवली सदर बैठकीत त्यांनी केंद्राचे संरक्षण सचिव गिरीधर असमाने यांच्या उपस्थितीत झालेल्या बैठकीला खा.डॉ सुजय विखे पाटील नाशिक विभागाचे आयुक्त राधाकृष्ण गमे अहमदनगर जिल्ह्याचे जिल्हाधिकारी सिद्धाराम सालीमठ, महानगरपालिका आयुक्त पंकज जावळे उपस्थित होते.
अहमदनगर भिंगार कॉन्टॉमेंट परीषदेचा समावेश आता नगर महापालीका हद्दीत होण्याच्या दृष्टीने तीन सदस्यांची समिती नेमण्यात आली असून असून, समितीच्या अहवालानंतर पुढील सहा महिन्यात छावणी परिषदेचा समावेश महानगरपालिकेत होणार असल्याने भिंगार मधील एफएसआय व बांधकामाचा येणाऱ्या अडचणीचा प्रश्‍न कायमस्वरूपी निकाली निघणार आहे.
नगर जिल्ह्यातील या महत्वपूर्ण निणर्यासाठी राज्यसरकारचे तसेच महसूल तथा पालकमंत्री राधाकृष्ण विखे पाटील याचे सहकार्य मिळाल्याबद्दल सचिन जाधव यांनी विशेष आभार मानले आहे. तर हा प्रश्‍न निकाली लागताच रामवाडी, गोकुळवाडी, कॅम्प कौलारू, कोठला येथील नागरिकांच्या वतीने पालकमंत्री तथा महसूल मंत्री राधाकृष्ण विखे व खासदार डॉ. सुजय विखे पाटील यांचा सत्कार करण्याचे त्यांनी जाहीर केले.