विविध सामाजिक कायाची दखल
अहमदनगर (प्रतिनिधी)- येथील सामाजिक कार्यकर्ते विकास नारायण जगधने यांना नुकतेच सामाजिक कार्य गौरव व समाजरत्न पुरस्काराने सन्मानित करण्यात आले. नाशिक येथील दर्पणकार बाळशास्त्री जांभेकर पत्रकार संघ व अस्तित्व सोशल फाउंडेशनच्या वतीने सामाजिक कार्य गौरव तर अहमदनगर येथील स्व.पै. किसनराव डोंगरे बहुद्देशीय संस्थेच्या वतीने समाजरत्न पुरस्कार त्यांना प्रदान करण्यात आला.
नाशिकच्या कालिदास कलामंदिर मध्ये झालेल्या कार्यक्रमात जगधने यांना सिने अभिनेत्री अर्चना परदेशी व माध्यम क्षेत्रातील पत्रकार विशाल परदेशी यांच्या हस्ते तसेच अहमदनगर येथील निमगावा वाघात (ता. नगर) नुकतेच झालेल्या शिक्षक दिनाच्या कार्यक्रमात जिल्हा परिषद सदस्य माधवराव लामखडे व ग्रामपंचायत सदस्य पै. नाना डोंगरे यांच्या हस्ते त्यांना पुरस्कार देण्यात आला.
सामाजिक कार्यकर्ते विकास जगधने दुर्बल घटकातील लोकांना आधार देऊन त्यांना प्रवाहात आनण्यासाठी नाथ संप्रदाय चॅरीटेबल ट्रस्टच्या माध्यमातून अनेक वर्षापासून कार्य करत आहे. ट्रस्टचे ते अध्यक्ष असून, वंचित घटकांचे प्रलंबीत प्रश्‍न शासन दरबारी मांडून ते सोडविण्याचे कार्य सातत्याने करत आहे. स्वच्छता अभियान, महिला सक्षमीकरण, रक्तदान व वृक्षरोपण आदी विविध सामाजिक उपक्रमात ते अग्रेसर असतात. त्यांच्या सामाजिक कार्याची दखल घेऊन त्यांना या पुरस्कारांनी सन्मानित करण्यात आले. पुरस्कार मिळाल्याबद्दल महेश बारगजे, सचिन खडावकर, किरण गोरे, शेखर बोत्रे, म्हस्के यांनी जगधने यांचे अभिनंदन केले आहे.
